მნიშვნელოვანი ინფორმაცია
16
ივნისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 01:14-ზე, მთვარე მერწყულშია – რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. ეგოიზმის და საკუთარი შესაძლებლობების გადაჭარბებული შეფასება. გაუფრთხილდით ხერხემალს. დღე კარგია მარხვისთვის. კარგია რომანტიკული შეხვედრა წყნარ ატმოსფეროში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
2016 წლის ყველა სიკეთე ერთ პოსტში - წაიკითხეთ, რა ქნა ხალხის ქველმოქმედებამ
09:38 / 02-01-2017
აკა სინჯიკაშვილი, რომელმაც 2016 წელს ლამის ნახევარი საქართველო ჩართო ქველმოქმედებაში, წლის სიკეთეებს ვრცელ პოსტში აჯამებს. სცენარისტმა თავდაპირველად ღამის თბილისში ტაქსისტობა დაიწყო, რომ შეგროვილი თანხით გაჭირვებულებისათვის საჭმელი ეყიდა. მისი მონდომება მოგვიანებით, მასშტაბურ საქველმოქმედო მოღვაწეობაში გადაიზარდა, რომლის მთავარი შემოქმედი თავად აკა და ქველმოქმედი ადამიანები იყვნენ. 2016 წლის შედეგები კი ასე გამოიყურება:
"2016 - წელი, რომელიც არასდროს დამავიწყდება!! ამ წელში ცოტას კი არა ასობით ადამიანს ვაჩუქეთ თავისი წილი ბედნიერება. ამონაწერი რომ ავიღე ბანკიდან, აი სული შემიგუბდა, ვერც წარმოვიდგინე რომ ამდენი ფული ასე უბრალოდ მანდეთ და ეჭვიც არ შეგიტანიათ ჩემში და უამრავი მადლობა ❤ ჩემი პირადი თანხების გარდა, გასულ წელში, სულ ჩემს ანგარიშზე ჩაირიცხა 92870 ლარი.
ამ ფულით გავაკეთეთ 14 ოპერაცია, მათ შორის 8 სიცოცხლე გადავარჩინეთ, რეაბილიტაციის ფული გადავუხადეთ 8 ადამიანს და ამ წელში აუცილებლად გაივლის ყველა! გადავიხადეთ 32 ბინის ქირა და ბავშვები და მოხუცები არ დავტოვეთ ქუჩაში, გადავხურეთ და გავარემონტეთ 5 სახლი, დავარიგეთ 50 000-მდე პური, 12 ტონაზე მეტი სხვადასხვა საკვები პროდუქტი, შევაგროვეთ და რეგიონებში ჩავიტანეთ 21 ტონა ტანსაცმელი და დაახლოებით 50000 ადამიანს ჩავაცვით.შევაგროვეთ და ვიყიდეთ საოჯახო ნივთები და ინვენტარი, სულ თავიდან ცხოვრება დავაწყებინეთ 14 ადამიანს, სამსახური ვუშოვეთ 8-ს. შემწეობა გავუწიეთ 30 მარტოხელა მშობელს, ავეჯით და ყველა საჭირო ნივთით ავავსეთ 7 ცარიელი სახლი,ვუყიდეთ ადამიანებს შინაური ცხოველები და ფრინველები, მიწის ნაკვეთები, 10 შშმ პირისთვის განკუთვნილი ეტლი, გადავიხადეთ 34 გათიშული დენის და ჩაჭრილი გაზის გადასახადი. 6 ადამიანი აღარ იმათხოვრებს ქუჩაში, 3 ადამიანი აღარ იდგება პანელზე და აქვს ნამდვილი სამსახური.
შევაჩერეთ 30ზე მეტი ოჯახური ძალადობა, შევარიგეთ ცოლქმარი, შეყვარებულები და რძალ-დედამთილიც კი. ამის გარდა, ასობით ადამიანს დავუბრუნეთ და გავუჩინეთ სიკეთის კეთების გრძნობა, ბედნიერების ცრემლებით ვატირეთ და დავუბრუნეთ იმედი რომ სიკეთე მართლა არსებობს. ქუჩებში ვიპოვეთ და ვუმკურნალეთ 14 ადამიანს, სასწრაფოდ საავადმყოფოში გადავიყვანეთ 50ზე მეტი. მთავარი ამბავი მგონია რომ დავაჯარიმეთ და დავხურეთ ორასზე მეტი ფსიქოტროპული აბებით უკანონოდ მოვაჭრე აფთიაქი, რომლების ნამუსზეა ბევრი არასრულწლოვანის სიცოცხლე. ახლაც პერიოდულად ვამოწმებთ. ვიტაქსავეთ 78 ღამე, ვიყავით სულ ყველა რეგიონში,სხვადასხვა მანქანით გავიარეთ 82000 კილომეტრი, მეტი მანქანა აღარ გვყავს, ორივე გავაფუჭეთ სექტემბერში თორემ მეტს გავივლიდით. ერთხელ, ორ დღეში ვიყავით ბათუმში, ლაგოდეხში, წალკაში და სამეგრელოში. ჩემთან ყველაფერი შეიცვალა, ჩემს დანახვაზე იღიმებიან,მეხუტებიან და ტირიან.
დავიკელი 12 კგ, გავიცანი და შევიძინე ადამიანები, რომლებიც მთელი ცხოვრება მეყვარება. ორჯერ გამიხეთქეს თავი, ენა მებმის და არ შეგეშინდეთ ვისაც დიდი ხანია არ გინახივართ, სამაგიეროდ მაქვს ასობით ადამიანის სიყვარული და პატივისცემა, რაც არაფერში არ გავცვალე და არც არაფერში გავცვლი ❤ გუშინ პრეზიდენტმა დაგვიბარა მე ლევან დევაძე, ლევან გოგინაშვილი და მადლობა გადაგვიხადა პირადად. ეს ყველაფერი ჩვენ ყველამ ერთად გავაკეთეთ და ყველას ვაჩვენეთ რომ #სიკეთეგადამდებია და თავისუფლად შეგვიძლია #ჩვენთვითონმივხედოთერთმანეთს. ცოტა არეულად დავწერე და ბევრი რამე გამომრჩა და ბოდიშს ვიხდი.
ახალი წელი იწყება, ახალი შესაძლებლობებით და ახალი იმედებით ❤ გილოცავთ ახალ 2017 წელს და გისურვებთ ყოველ დღე თითო ბედნიერებას ❤ მადლობა თქვენ სათითაოდ ყველას, დიდი მადლობა" - წერს აკა სინჯიკაშვილი ვრცელ პოსტში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
