ყველაზე ცნობილი რაჭველი დათუნიკა სხირტლაძე კონცერტის დროს, სცენაზე გარდაიცვალა

ყველაზე ცნობილი რაჭველი, "ტაში, ბიჭო, გიორგუნას" და ცეკვა "რაჭულის" ავტორი დათუნიკა სხირტლაძე გარდაიცვალა. ამის შესახებ "ფეისბუქზე" ფოლკლორულ ანსამბლ "ლაშარის" ხელმძღვანელი გიორგი უშიკიშვილი წერს. მისი ინფორმაციით, სხირტლაძე კონცერტის დროს მოულოდნელად გარდაიცვალა.

"რამდენიმე საათის წინ ამბროლაურში, სცენაზე კონცერტის დროს გარდაიცვალა შეისანიშნავი ხელოვანი, ჩემი მეგობარი დათო (დათუნიკა) სხირტლაძე... ძალიან დიდი დანაკლისია მისი გარდაცვალება ჩვენი ქვეყნისთვის! ძალიან დაგვაკლდები დათუნიკა", - წერს უშიკიშვილი.

დათუნიკა სხირტლაძე რაჭაში, ამბროლაურის რაიონში, ხელოვანი ხალხის ოჯახში დაიბადა. მამა რეჟისორი, დრამატურგი და პოეტი იყო. დათუნიკა სხირტლაძე ჯგუფ "შინის" და "ეგარის" წევრი იყო.

ნახეთ ვიდეო: "ტაში ბოშო გიორგუნას" უცნობი ისტორია და სახლი, სადაც რაჭული ცეკვა დაიბადა