1
ივნისიდღის ზოგადი ასტროლოგიური პროგნოზი
ქართული, ტრადიციული, ნატურალური პროდუქტის შექმნის სურვილი, 15 წლის წინ ჯერ იდეად, შემდეგ კი რეალურ ბიზნესად იქცა. დღეს, კომპანია "ბადაგი" წარმატებით სთავაზობს თავის პროდუქციას როგორც ქართველ, ასევე უცხოელ მომხმარებელს. პროდუქცია მრავალფეროვანია: ნიგოზი რქაწითელის ყურძნის წვენში, ნიგოზი საფერავის ყურძნის წვენში, ნიგოზი თაფლით რქაწითელის ყურძნის წვენში, თხილი რქაწითელის ყურძნის წვენში, თხილი შავ შოკოლადში - ბადაგის ჩურჩხელის რვა ნაირსახეობას, სიამოვნებით აგემოვნებენ როგორც ქართველები, ისე უცხოელები.
"ძალიან გემრიელი, ნატურალური და აუცილებლად, კახური რეცეპტით, ბადაგით დამზადებული," - ასე აფასებს "ბადაგის" პროდუქციის უპირატესობას, ერთ-ერთ ინტერვიუში კომპანიის დირექტორი ინგა ყაჯრიშვილი.
ამ თუ სხვა უპირატესობის დამსახურებით, 15 წლის წინ ერთი თანამშრომლით დაწყებული ბიზნესი საქართველოს სხვადასხვა რეგიონში წარმოდგენილ ქსელად იქცა, სადაც ამჟამად, დაახლოებით, 70 ადამიანია დასაქმებული და დღეში 5000 ჩურჩხელა იწარმოება.
"ბადაგის" დღევანდელი მდგომარობა არის დღედაღამ დაუღალავი შრომის, ასევე დაწყებული საქმის მიმართ ერთგულებისა და მიზნის მისაღწევად ბრძოლის შედეგი," - აღნიშნავს AMBEBI.GE - სთან საუბრისას ინგა ყაჯრიშვილი და დასძენს, რომ დაარსებიდან დღემდეკომპანიამ უამრავი პრობლემა გადალახა:
"ბევრი სირთულე დავძლიეთ და ამ სირთულეებთან ერთად იზრდებოდა წარმატების ჟინი. კარგი იდეა შრომის გარეშე, იდეადვე რჩება. სწორედ განვითარებისა და მუდმივი განახლებისკენ სწრაფვამ განაპირობა "ბადაგის" დღევანდელი წარმატება" - აღნიშნავს ინგა ყაჯრიშვილი.
დღევანდელი წარმატების ერთერთი საინტერსო რაკურსი კი "ბიზნესდაჯილდოება 2016" - ის ფარგლებში მოპოვებული ჯილდოა.
"ბადაგი"523 კომპანიას შორის გამარჯვებულ შვიდეულში მოხვდა და მან "წლის ქართული პროდუქტის" ტიტული მოიპოვა. (პროექტში "ბიზნესდაჯილდოება 2016"გამარჯვებულები შემდეგ ნომინაციებში გამოვლინდნენ: "წლის ტურისტული ბიზნესი", "წლის ინოვაციური ბიზნესი", "წლის აგრობიზნესი", "წლის ქართული პროდუქტი", "წლის მცირე ბიზნესი", "წლის ბიზნესი" და "ხალხის რჩეული").
"გამარჯვების იმედი ნამდვილად გვქონდა, რადგან ეს ნომინაცია კარგად ასახავს ჩვენი საქმიანობის სფეროს. ძალიან სასიამოვნოა მსგავს კონკურსში ჯილდოს მიღება. ეს ძალიან დიდი პატივია ჩვენთვის," - ამბობს "ბადაგის" დირექტორი და AMBEBI.GE-ს "ბიზნესდაჯილდოება 2016" - ის მიმართ საკუთარ დამოკიდებულებას უზიარებს:
"ამ პროექტმა, რა თქმა უნდა, შეგვძინა კონტაქტებიც და ახალი ინფორმაციაც, აგრეთვე, კონკურსში მონაწილეობის გამოცდილება, რომელიც მანამდე არ გვქონია. ეს ჩვენთვის დიდი სტიმული და გამოწვევა იყო. ვთვლით, რომ ამ პროექტში მონაწილეობამ საზოგადოებაში ჩვენი ცნობადობა გაზარდა. გაიზარდა, ასევე, ჩვენი გულშემატკივრების რიცხვი და ეს ძალიან მნიშვნელოვანი წინსვლაა".
"ბადაგის" წარმატება და სამომავლო გეგმები: "ჩვენთვის მთავარი წარმატება ქართველი და უცხოელი მომხმარებლების ნდობა, სიყვარული და კეთილგანწყობაა, რომელსაც ყოველდღე ვგრძნობთ მათგან. სამომავლო გეგმები კი ისევ და ისევ ჩვენს მომხმარებლებს უკავშირდება. ჩვენ გავაგრძელებთ მუშაობას მათთვის, შევთავაზებთ ბევრ საინტერესო სიახლეს და ყოველდღე ვეცდებით მათ სასიამოვნოდ გაოცებას. მათი სიყვარული უდიდეს ძალას გვაძლევს და ჩვენ ყველაფერს გავაკეთებთ, რათა გავუმართლოთ ნდობა და იმედები".
თამარ კორკოტაშვილი
AMBEBI.GE
