უკრაინელმა დეპუტატმა თურქეთში რუსეთის ელჩის მკვლელს "გმირი" უწოდა
უკრაინელმა დეპუტატმა ვლადიმერ პარასიუკმა თურქეთში რუსეთის ელჩის ანდრეი კარლოვის მკვლელს "გმირი" უწოდა. აღნიშნულის შესახებ უკრაინელმა დეპუტატმა სოციალურ ქსელ "ფეისბუქის" პირად გვერდზე დაწერა.
"როდესაც ადამიანი თავისი სიცოცხლის ფასად მზად არის მიიღოს უკიდურესი ზომები, იდეისთვის, სიმართლისთვის, მაშინ დარწმუნებით შეიძლება ითქვას - გმირი!" - დაწერა უკრაინელმა დეპუტატმა.
თავისი სტატუსის კომენტარებში დეპუტატმა აღნიშნა, რომ რუსეთის ელჩის მკვლელი თავისი ხალხის გმირია და განაცხადა, რომ მკვლელობა წარმოადგენს პასუხს "ალეპოში ათასობით მოკლულ ადამიანზე", რაშიც დამნაშავე რუსეთია.
გუშინ თურქეთში რუსეთის ელჩი ანდრეი კარლოვი შეიარაღებული თავდასხმის შედეგად მოკლეს. რუს დიპლომატს მაშინ ესროლეს, როდესაც ის თანამედროვე ხელოვნების გალერეაში ფოტოგამოფენაზე "რუსეთი თურქების თვალით" სიტყვით გამოდიოდა. შეიარაღებულმა მამაკაცმა 62 წლის ელჩს უკნიდან იმ დროს ესროლა, როდესაც ის სიტყვით გამოსვლას ასრულებდა.
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
პრინცს, რომელსაც ქალი გაუპატიურებას აბრალებს, ავსტრალიაში არავინ დახვდა
