მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დღე-ღამის განმავლობაში, თბილისში სასწრაფო დახმარების მოთხოვნით 112-ში 3 000-ზე შეტყობინება შევიდა
07:08 / 16-12-2016
24 საათის განმავლობაში, თბილისში სასწრაფო სამედიცინო დახმარების გამოძახების მოთხოვნით "112"-ში 3 163 შეტყობინება დაფიქსირდა.
"ინტერპრესნიუსმა" საქართველოს შინაგან საქმეთა სამინისტროს სსიპ "112"-დან ინფორმაცია 14 დეკემბერს გამოითხოვა. სააგენტო დაინტერესდა რამდენი შეტყობინება შევიდა სასწრაფო სამედიცინო დახმარების გამოძახების თხოვნით "112"-ში დროის კონკრეტულ მონაკვეთში და რამდენ მათგანზე ვერ მოხერხდა რეაგირება - სასწრაფო სამედიცინო დახმარების ბრიგადის გაშვება.
"112"-დან 16 დეკემბერს მიღებული ინფორმაციის თანახმად, 13 დეკემბრის 09:00 საათიდან 14 დეკემბრის 09:00 საათამდე პერიოდში, "112"-ში სასწრაფო სამედიცინო დახმარების გამოძახების მოთხოვნით, საქართველოს მასშტაბით, დაფიქსირდა - 5 566 შეტყობინება, ხოლო, თბილისის მასშტაბით - 3 163 შეტყობინება;
ინფორმაციაში დაკონკრეტებული არ არის რამდენ შეტყობინებაზე ვერ მოხერხდა რეაგირება - სასწრაფო სამედიცინო დახმარების ბრიგადის გაშვება. პასუხში აღნიშნულია, რომ თბილისის მასშტაბით სასწრაფო სამედიცინო დახმარების გამოძახების მოთხოვნით დაფიქსირებული ყველა შეტყობინება (გარდა, გაუქმებული შეტყობინებებისა) გადაეცემა თბილისის მუნიციპალიტეტის სსიპ - სასწრაფო სამედიცინო დახმარების ცენტრის თავისუფალ ბრიგადას, ხოლო საქართველოს რეგიონების მასშტაბით ინფორმაციის მისაღებად სააგენტომ საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულ სსიპ - სასწრაფო სამედიცინო დახმარების ცენტრს უნდა მიმართოს;
რაც შეეხება შეტყობინებების რაოდენობას, რომლებიც მაღალ ტემპერატურასა და ვირუსულ ინფექციებს უკავშირდება, მაღალ ტემპერატურასთან დაკავშირებით მითითებული დროის მონაკვეთში "112"-ში ინციდენტის ტიპით - "ჰიპერთერმია" საქართველოს მასშტაბით დაფიქსირდა - 938 შეტყობინება, თბილისის მასშტაბით - 666 შეტყობინება, ხოლო ინციდენტის ტიპით - "ვირუსული ინფექცია" საქართველოს მასშტაბით დაფიქსირდა - 97 შეტყობინება, თბილისის მასშტაბით კი - 68 შეტყობინება.
როგორც ცნობილია, საქართველოს შრომის ჯანმრთელობისა და სოციალური დაცვის მინისტრმა დავით სერგეენკომ რამდენიმე დღის წინ გამართულ ბრიფინგზე განაცხადა, რომ მნიშვნელოვნად გაზრდილი იყო მიმართვიანობა სასწრაფო დახმარების სამსახურებში. მინისტრმა იმავე ბრიფინგზე აღნიშნა, რომ წინა დღის მდგომარეობით, 550 ზარი ფიქსირდებოდა, რომელზეც რეაგირება ვერ მოხერხდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
