მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საფრთხე თქვენი შვილებისთვის - უკონტროლო ასაფეთქებლები და ათეულობით დაზარალებული ყოველწლიურად
04:20 / 16-12-2016
ყოველწლიურად, ახალი წლის მოახლოებასთან ერთად ასაფეთქებლების პრობლემა ჩნდება. ათასგვარი ასაფეთქებელი სრულიად უკონტროლოდ იყიდება. მისი შეძენის და გამოყენების უფლება ნებისმიერი ასაკის ადამიანს აქვს. ასაფეთქებლებს ძირითადად, სკოლის მოსწავლეები ყიდულობენ და სკოლიდან სახლისაკენ "ხმაურიანად" აგრძელებენ გზას.
გვანცა ნოზაძე: " სკოლის გვერდით ვცხოვრობ და უკვე გაუსაძლისია დღის მანძილზე სახლში ყოფნა. მთელი დღე ბათქა-ბუთქია. პატარა მყავს და ვიდრე სკოლა არ დასრულდება, ვერ ვაძინებ, რადგან აფეთქების ხმაზე შეშინებულს ეღვიძება. ძაღლიც მყავს სახლში, რომელსაც აფეთქების ხმის ეშინია და ძლივს ვაჩერებ.
- სკოლის დირექციას თუ უთხარით ამის შესახებ?
- ისინი რა შუაში არიან?! გაკვეთილის მსვლელობისას უშუალოდ გაკვეთილზე არავინ აფეთქებს და მერე სკოლის ტერიტორიის გარეთ აფეთქებენ. მგონი სახელმწიფომ უნდა მიიღოს რეგულაცია და გააკონტროლოს, თორემ ახალი წელი შემზიზღდა. ასე გრძელდება წლებია. I კლასელსაც კი შეუძლია ყველაზე დიდი ზომის ასაფეთქებლის ყიდვა, არასწორად რომ ააფეთქოს და დაზიანდეს, მერე ხომ უკვე გვიანი იქნება?!
დავინტერესდით, "ასაფეთქებლების სეზონის" დადგომასთან ერთად, გახშირდა თუ არა მიმართვიანობა დამწვრობის ცენტრში. გვესაუბრება დამწვრობის ცენტრის ხელმძღვანელი გუგა ქაშიბაძე:
- ზამთრის დადგომასთან ერთად დაზიანების შემთხვევები იმატებს. საბედნიეროდ, ჯერ მხოლოდ ორი შემთხვევა იყო, მაგრამ როგორც წესი, მსგავსი ტიპის ტრავმიანობა იმატებს 25 დეკემბრიდან და გრძელდება 14 იანვრამდე. როგორც გითხარით წელს მხოლოდ ორი შემთხვევაა დაფიქსირებული, აქედან ერთი იოლი იყო, მეორე შედარებით მძიმე შემთხვევა გვქონდა, თუმცა საბედნიეროდ ყველაფერი კარგად დასრულდა. ამ მეორე შემთხვევის ამსახველი ფოტო დავდე ჩემს "ფეისბუქზე". ერთის მხრივ, ამის გაკეთება ექიმისაგან არაეთიკურია, თუმცა ამ ფოტოში არაა პაციენტი იდენტიფიცირებული და კანონი ამას არ კრძალავს, თანაც მე ეს გავაკეთე იმიტომ, რომ მოსახლეობა გაფრთხილდეს. 3 წლამდე ბავშვი თვითონ რომ ვერ იყიდის ასაფეთქებელს და თვითონ რომ ვერ მიხვდებოდა, როგორ აეფეთქებინა, მგონი ამაზე ორი აზრი არ არსებობს...
- გასული წლის სტატისტიკა როგორი იყო?
- შარშან 100-მდე პაციენტი მივიღეთ. აქედან 6 მათგანს დასჭირდა სტაციონარული მკურნალობა, ჩატარდა 8 ქირურგიული ოპერაცია, თუმცა ეს არის მხოლოდ დამწვრობის ცენტრში მოყვანილი პაციენტების სტატისტიკა, ბუნებრივია, სხვა კლინკებშიც ხდებოდა ასეთი პაციენტების მკურნალობა.
- მშობლებთან თუ გქონიათ საუბარი, როგორ ხსნიან იმას, რომ პატარას მისცეს უფლება ასაფეთქებლით ეთამაშა?
- პოსტ-ფაქტუმ ყველა მშობელი ხვდება, რომ სწორად არ მოიქცა როცა ბავშვს მისცა ამის უფლება. სამწუხაროდ, ხშირია როცა მშობლის ნებართვის გარეშეც იღებენ ასაფეთქებლებს.
ჩემი რეკომენდაცია იქნება რომ მშობლებმა დიდი ყურადღება გამოიჩინონ, განსაკუთრებით, პატარა ასაკის ბავშვის მშობლებმა. ვუსურვებ ყველას რომ მშვიდად შეხვდნენ ახალ წელს. საკუთარ თავზე და საკუთარ ოჯახებზე ნუ გამოცდიან საყოველთაო ჯანდაცვის პროგრამის სიკეთეს.
ლადო გოგოლაძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
