მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ფეისბუქში" მოკლე კაბებისა და მომდგარი შარვლების შესახებ ზუგდიდის გამგებლის აკრძალვას ეხმაურებიან
02:36 / 14-12-2016
ზუგდიდის მუნიციპალიტეტის გამგებელმა ლაშა გოგიამ თანამშრომლებს ჩაცმისა და მაკიაჟის სტანდარტები დაუწესა.
ლაშა გოგიას ბრძანების თანახმად, თანამშრომელი ვალდებულია: "მიმართავდეს ჩაცმულობის საქმიან სტილს, ჰქონდეს მოწესრიგებულ იერსახე და ატაროს საქმიანი გარემოსათვის შესაფერისი სამოსი, სამსახურეობრივი მოვალეობა განახორციელოს მოწესრიგებული ჩაცმულობით, ზნეობრივ-ეთიკური ნორმების შესაბამისად". ამავე ბრძანების მესამე მუხლით, გამგეობის თანამშრომელი - "დაუშვებელია სამუშაოზე გამოცხადდეს სპორტული სტილის ტანსაცმლითა და ფეხსაცმლით, ტანზე მომდგარი შარვლით, კაბითა თუ ქვედაბოლოთი, ღრმა დეკოლტირებული და გამჭვირვალე პერანგით, წითელი ზონარის მქონე ტანსაცმლით". გოგია იგივე ბრძანების მორიგ მუხლში წერს, რომ "დაუშვებელია სამსახურში მკვეთრი მაკიაჟითა და არასტანდარტული თმის ვარცხნილობით გამოცხადება".
გამგებლის ბრძანებას "ფეისბუქ-მომხმარებლების" აქტიური გამოხმაურება მოჰყვა:
კოკო გამსახურდია:
"ყურადღების გადატანა არსებითიდან არაარსებითზე, რაზეც ამას წინათ ვწერდი, ახალ ფაზაში გადადის: ერთნი იხდიან, მეორენი ამას კრძალავენ და სამოსის კონსერვატიული ფორმების აუცილებლობას აწესებენ სახელმწიფო დაწესებულებაში, დაახლოებით ისე, როგორც ეს ეკლესიაშია მიღებული.
რა შეიძლება ითქვას ამაზე? "მოკლე ჩართვები" მხოლოდ ტრანსფორმატორებში არ ხდება: ისინი ასოციატიურ აზროვნებაშიც არსებობს. ეხლავე აგიხსნით, რას ვგულისხმობ:
ერთნი, ვინც გახდას აპირებენ, ასეთ ასოციატიურ მიმდევრობას მიყვებიან: აკრძალვა/კონსერვატიული ჩაცმა - ქოცები - რუსეთი.
მეორენი, ვინც პირიქით შემოსვისკენ მოუწოდებენ, ასეთს: გახდა - ნაცები - დასავლეთი/"ლიბერასტები".
ამიტომაცაა ჩვენთან იშვიათი ხილი როგორც ლიბერალი, ისე კონსერვატორი, ვინც სათანადო დონეზე იდგება".
P.S. აქ არ არის საუბარი იმაზე, რომ საჯარო სამსახურში ჩაცმის ელემენტარული ეთიკა და ნორმები არ დაიცვა. ან კანონში არ უნდა გაიწეროს ზოგადად მაინც. უბრალოდ აქ საუბარია იმაზე, თუ საითკენ მიდის ეს ყველაფერი.
სერგი კაპანაძე:"კლასიკაა...
"სამსახურში მისაღებია ... კლასიკური კაბის-ქვედაბოლოს (მინიმალური სიგრძე სამი-ოთხი სანტიმეტრი მუხლის თავიდან), პერანგის და პიჯაკის ჩაცმა"
სახაზავიანი ჟანდარმებიც ეყოლება ნეტავ, თუ როგორ განსაზღვრავენ სანტიმეტრებს?
ჩემი ფავორიტი მაინც ესაა - "დაუშვებელია სამუშაოზე გამოცხადდეს სპორტული სტილის ტანსაცმლითა და ფეხსაცმლით, ტანზე მომდგარი შარვლით, კაბითა თუ ქვედაბოლოთი, ღრმა დეკოლტირებული და გამჭვირვალე პერანგით, წვრილი ზონარის მქონე ტანსაცმლით".
ანუ, ტყავის ჩექმები და გალიფეს შარვლები დაშვებულია????!!!!"
"ყველა ერთად გაგიჟდა""ზუგდიდელი ოლეგა იაძე გაეძრო"
"ვასაძის მიმდევარი იქნება"
"საწყალი, ბრდღვნად არ ეყოფათ მოკლეკაბიანებს და ვიწროშარვლიანებს"
"დრეს კოდი ერთიანი უნდა იყოს ყველა საჯარო მოხელისთვის, და ამას ზუგდიდის გამგებელი არ უნდა ადგენდეს, თუ მაინცდამაინც"
"ისე, რატომ ვღლიცინებთ, მოკლეც არის და მოკლეც. ზოგს ისეთი მოკლე აცვია, მე ვაღებ პირს და დრესკოდი არ უნდა დავიცვათ? საჯარო სამსახურს კიდევ უსაქმურობა უნდა?"
"ზუგდიდში არ ვიცი, მაგრამ გორის მერიასა და გამგეობაში ისეთი ხალხი დასაქმდა 2014 წლის თვითმმართველობის არჩევნების შემდეგ, ცხოვრებაში 1 დღეც არ ჰქონდათ ნამუშევარი და წერა კითხვა არ იციან და ეხლა დამსაქმებელმა რომ ეგეთი ელემენტარული რამე მოსთხოვოს, რატო უნდა წავიდნენ წინააღმდეგნი?"
"ეს თვითონ იქნება მექალთანე, წუწკი, იცის თავს ვერ შეიკავებს და ამიტომ მოიგონა ესეთი "თავდაცვის" საშუალება, მაგრამ საჯარო სამსახურში, სადაც საზოგადოებასთან გაქვს ურთიერთობა, რომ შესაფერისად უნდა ეცვას მანდილოსანს, ამას მე მგონი გაფრთხილება არ უნდა ჭირდებოდეს"
"ვისი და რისი ფორმების და ჩაცმის სტანდარტები არ გამივლია მაგრამ აკრძალვითი კონკრეტიზაცია - "წითელი ზონარის მქონე სამოსი " - "ნიუ ტრენდია", - წერენ "ფეისბუქ-მომხარებლები".
წაიკითხეთ ასევე: ზუგდიდის გამგებელმა თანამშრომლებს მოკლე კაბებისა და ტანზე მომდგარი შარვლების ჩაცმა აუკრძალა
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
