მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სამსახურიდან წასვლის სანაცვლოდ ფულად კომპენსაციას გვთავაზობენ..." - ოპტიმიზაცია თავდაცვის სამინისტროსა და შეირაღებულ ძალებში
08:55 / 12-12-2016
საქართველოს თავდაცვის სამინისტროსა და შეიარაღებულ ძალებში ოპტიმიზაცია დაიწყო.
გენერალური შტაბის უფროსის მოადგილის, შალვა ჯაბახაძის ინფორმაციით, საშტატო ოპტიმიზაცია, როგორც თავდაცვის სამინისტროში, ასევე შეიარაღებულ ძალებში მიმდინარეობს.
"ჩვენთან მიმდინარეობს ოპტიმიზაცია. ეს შეეხება საშტატო ერთეულებს და უშუალოდ საშტატო-სტრუქტურული ერთეულების რეორგანიზაციას. ეს ხდება თავდაცვის სამინისტროში, ასევე შეიარაღებულ ძალებში. შექმნილია კომისიები, ქვვეკომისიები, რომლებიც გადიან პირად შემადგენლობასთან გასაუბრებას და მხოლოდ ამის შემდეგ მიიღება გადაწყვეტილება, ვინ გააგრძელებს მუშაობას და ვინ არა", - განაცხადა ჯაბახაძემ.
შეიარაღებული ძალების გენერალური შტაბის სტრატეგიული დაგეგმვის, სამხედრო პოლიტიკის და სამხედრო-სამოქალაქო თანამშრომლობის დეპარტამენტის უფროსის, მამუკა შიუკაშვილი იმედოვნებს, რომ ოპტიმიზაცია, შეიარაღებული ძალების მზადყოფნის დონე აამაღლებს.
"ჩვენ გვაქვს გარკვეული ფუნქცია, ამოცანა და ჩვენ ეს ამოცანა უნდა შევასრულოთ. ამ თვალსაზრისით ოპტიმიზაცია მიზანმიმართულად ხორციელდება, რათა ჩვენი შეიარაღებული ძალების საბრძოლო მზადყოფნის დონე ავწიოთ და ჩამოვაყალიბოთ ქმედითუნარიანი ორგანიზაცია. ოპტიმიზაციის პროცესში მოხდება პირადი შემადგენლობის კვალიფიკაციის გადახედვა, რიცხოვნობის გადახედვა, აღჭურვილობის გადახედვა, რათა მაქსიმალურად მოვახდინოთ თანხების რაციონალურად ხარჯვა, იმ პროგრამების განსახორციელებლად, რომლებზეც მიმდინარეობს მუშაობა და დაგეგმილია. რაოდენობაზე ამ დროისთვის ვერ ვისაუბრებ. გასული წლების განმავლობაში შეიარაღებულ ძალებში საგრძნობლად გაიზარდა სამოქალაქო მიმართულების კადრები. არარაციონალურად მოხდა ამის გაზრდა. ამ თანამდებობებზე დაინიშნა ბევრი ისეთი ადამიანი, რომელიც არ წარმოადგენს საჭიროებას", - განაცხადა შიუკაშვილმა.
შეიარაღებული ძალებში მოსამსახურე სამხედროების ინფორმაციით, ბოლო რამდენიმე დღეა, მათ გასაუბრებაზე იბარებენ და გარკვეული თანხის კომპენსაციის სანაცვლოდ, სამსახურიდან წასვლას სთავაზობენ;
"რამდენიმეს დაურეკეს და წასვლის სანაცვლოდ, ფულადი კომპენსაცია შესთავაზეს, 5-დან 8 ათასამდე ლარი, წოდების მიხედვით... ძნელია ეს გადაწყვეტილება გააპროტესტო, რადგან ყველამ ვიცი, რომ გასულ წლებში, განსაკუთრებით სამოქალაქო სექტორში შტატების ხელოვნურად გაზრდა მოხდა, მაგრამ მთავარი ახლა გაცხრილვა როგორ მოხდება... კიდევ, თითქმის ყველას ბანკის ვალი აქვს და გარშემო ვისაც ესაუბრნენ, ყველამ უარი უთხრა. არ ვიცით, უარის შემთხვევაში შემდეგი ნაბიჯი რა იქნება" - ამბობს ჩვენთან საუბარში ერთ-ერთი სამხედრო, რომლის თქმითაც, გასაუბრებაზე არ დაუბარებიათ სამოქალაქო სექტორში დასაქმებული ტერიტორიული მთლიანობისთვის ბრძოლაში დაღუპული გმირის ოჯახის წევრი (მეუღლე, დედა, და).
ის, რომ თავდაცვის სამინისტროს სამოქალაქო სექტორი და შეიარაღებული ძალებში კადრებში ხელოვნურად არის "გაბერილი", საკამათო არ არის, სხვა საკითხია როგორ გაართმევს თავს ამას აღნიშნული უწყება, - მოხდება თუ არა ოპტიმიზაცია კადრების პროფესიონალიზმის გათვალისწინებით და ნეპოტიზმის გვერდის ავლით.
მარიამ რობაქიძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
