მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მოყინული გზები თბილისში - რა სიხშირით იყრება მარილი ქუჩებზე და ყველაზე მეტად რომელი ადგილები იყინება
04:43 / 08-12-2016
ბოლო დღეებში თბილისში ტემპერატურამ საგრძნობლად დაიკლო, განსაკუთრებით ცივა ღამის საათებში, ყინვის შედეგად კი მოქალაქეებს დილით დედაქალაქის ქუჩები მოყინული ხვდებათ, რაც პიკის საათებში ისედაც გაჭედილ მოძრაობას კიდევ უფრო აფერხებს.
PALITRATV.GE-მ გაავრცელა კადრები, რომელიც დღეს დილით ლუბლიანას ქუჩაზეა გადაღებული. კადრებში ჩანს, მოლიპული გზა და მანქანები, რომლებიც ნელა გადაადგილდებიან. მსგავსი მდგომარეობა დღეს დილით თბილისის რამდენიმე უბანში დაფიქსირდა.
AMBEBI.GE დაინტერესდა, დაიწყო თუ არა დედაქალაქის მერიამ ქუჩებში მარილის დაყრა, რა ინტენსივობით იყრება და რამდენად აქტიურად მუშაობს მერიის შესაბამისი სამსახური ამ პრობლემის მოსაგვარებლად.
ფოტოებზე: ლუბლიანას ქუჩა
დავით დოლიძე, "თბილსერვის ჯგუფის" დირექტორის პირველი მოადგილე: "გუშინ ღამით, ისანი-სამგორის ტერიტორიაზე 12 საათიდან დაიწყო მარილის დაყრა, რადგან იქ უკვე მოყინული იყო, ხოლო გამთენიის 5 საათიდან მთელ ქალაქში დაიწყო ინტენსიურად მარილის 
დაყრა. სხვათაშორის, დიდ დიღომში ახლაც გრძელდება, იქ ბევრ ადგილას იყო მოყინული. ღამე კი დაიყარა მარილი, მაგრამ 1-2 საათის მერე ისევ მოყინა და ახლიდან მოგვიწია მარილის დაყრა. სულ 15 ერთეული მარილსაყრელი მანქანა გვყავს და ეს 15 მანქანა დედაქალაქის ყველა ქუჩაზე ვერ იქნება. ამას ემატება წყნეთი - კოჯორი- ბეთანიის გზა, რომელიც ქალაქის შემოერთებული ტერიტორიებია და ჩვენ გვეკუთვნის, შესაბამისად, ვცდილობთ ყველგან დროულად მივიდეთ.
- მოყინული ქუჩების შესახებ მოქალაქეები რეკავენ თუ თქვენი ჯგუფიც მოძრაობს ქალაქში?
- მოქალაქეებიც რეკავენ ცხელ ხაზზე, მაგალითად, გუშინ ღამიდან დაწყებული დილის 11 საათამდე 40-მდე შეტყობინება შემოვიდა ყინვასთან დაკავშირებით, ყველა შეტყობინებაზე ჯგუფი გავიდა. ამას გარდა, ჩვენი ბრიგადებიც დადიან და ნახულობენ ქუჩებს, სადმე თუ მოყინულია, მარილს ყრიან. წინასწარ მარილს ვერ დავყრით, თუ საჭიროებაა, იმ შემთხვევაში იყრება. ჩვენი მანქანა ყველა ქუჩაზე ვერ იდგება, ეს ფიზიკურად შეუძლებელია.
- თუმცა, თბილისში არის რამდენიმე ქუჩა, რომელიც ხშირად იყინება და წესით ეს ხომ უნდა იცოდეთ?
- კი, ძირითადად ეს არის კოჯორი, წავკისი, ტაბახმელა, დიდი დიღომი, ნუცუბიძის პლატო და ამ ადგილებში მისული იყო მანქანები, თუმცა ამათ გარდა, თბილისში ბევრი ქუჩაა და ყველგან ვერ იქნება მანქანები. ამას გარდა, მარილი შეიძლება დაყარო, მაგრამ კიდევ გაყინოს და ერთ-ორ საათში ისევ საჭირო გახდება დაყრა. 24-საათიან რეჟიმში ვმუშაობთ, მარილის რაოდენობაც საკმარისი გვაქვს, სპეცტექნიკა მაქსიმალურად მობილიზებულია. შეიძლება, სადღაც შეფერხება იყო 20 წუთი, მაგრამ ჩვენც უნდა გაგვიგოთ იმიტომ, რომ ადამიანები დილის 5 საათიდან გარეთ არიან და მარილს ყრიან, მაქსიმალურად ვცდილობთ, რომ მარილის დაყრა ყველგან მოვასწროთ.
თეა ბეჟიტაშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
