მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რას ჰყვება დათა ახალაიას მძღოლი ნავთლუღის სპეცოპერაციაზე - "ავტომატი მანქანაში ჰქონდა, როდესაც გადავიდა, თან წაიღო..."
05:58 / 03-12-2016
ნავთლუღის სპეცოპერაციის საქმეზე, რომელზეც ბრალი კონსტიტუციური უსაფრთხოების დეპარტამენტის ყოფილ უფროსს დათა ახალაიასა და ამავე დეპარტამენტის სამმართველოს უფროსს გიორგი დგებუაძეს, მეტსახელად "მასტერას" აქვს წაყენებული, მოწმის სახით დათა ახალაიას მძღოლი დაიკითხა. ელიმბაი ალიევმა სასამართლო პროცესზე 2006 წლის 12 იანვარს განვითარებული მოვლენები გაიხსენა და დათა ახალაიას გადაადგილების მაშინდელ მარშრუტზე ისაუბრა.
როგორც მოწმემ აღნიშნა, დათა ახალაია, გიორგი დგებუაძე და ლევან ქარდავა მან ავტოსადგურის ტერიტორიაზე 23:00 საათისთვის მიიყვანა. მისი თქმით, ნავთლუღის ავტოსადგურის ტერიტორიაზე მისვლისას, სროლა და სპეცოპერაცია უკვე დამთავრებული იყო. ელიმბაი ალიევის ინფორმაციით, ახალაიას ავტომატი მანქანაში ჰქონდა და როდესაც ის გადავიდა, იარაღი თან წაიღო, თუმცა როგორც მოწმემ აღნიშნა, დათა ახალაიას არავისთვის არ უსვრია.
როგორც პროცესის დასრულების შემდეგ დათა ახალაიას ინტერესების დამცველმა ირაკლი ზაქარეიშვილმა აღნიშნა, აღნიშნული მოწმის ჩვენებით გაქარწყლდა პროკურატურის ბრალდება იმასთან დაკავშირებით, რომ დათა ახალაიამ სპეცოპერაციის დროს გარდაცვლილი ერთ-ერთი პირის მიმართ საკონტროლო გასროლა განახორციელა.
თავის მხრივ, პროკურორმა დავით ნეფარიძემ აღნიშნა, რომ ელიმბაი ალიევის მიერ სასამართლოსთვის მიცემული ჩვენება, თითქმის ყველა სხვა მოწმის, მათ შორის ბრალდებულის ჩვენებებთან წინააღმდეგობაში მოდის და აქედან გამომდინარე აღნიშული მოწმის სანდოობა ეჭვქვეშ დგება.
გიორგი დგებუაძეს ბრალად 2006 წლის 12 იანვარს, კონსტიტუციური უსაფრთხოების დეპარტამენტის უფროსთან დავით ახალაიასთან და ამავე დეპარტამენტის სხვა მაღალჩინოსნებთან ერთად, "ნავთლუღის" ავტოსადგურში სამი ახალგაზრდის, შოთა გორგაძის, მარად ართმელაძისა და რომან სურმანიძის წინასწარ დაგეგმილ მკვლელობაში მონაწილეობა და სამსახურებრივი უფლებამოსილების გადამეტება ედება. გამოძიების ვერსიით, დათა ახალაიამ საკონტროლო გასროლა სპეცოპერაციის შედეგად მოკლული შოთა გორგაძის, ხოლო გიორგი დგებუაძემ რომან სურმანიძის მისამართით განახორციელა.
თორნიკე კოშკაძე
Ambebi.ge
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
