ბავშვები, რომელთაც წარმატება აერთიანებთ - როგორ გახდა "კინგსი საქართველო" ათიათასობით ადამიანის რჩეული

"სწავლის ძირი მწარე არის, კენწეროში გატკბილდების" - ეს ანდაზა ნებისმიერი ქართველისთვის კარგად ნაცნობია. სწავლის პროცესი რომ მოსწავლისთვის მართლაც რთულია, ამას მშობლების დიდი ნაწილი დღესაც დაეთანხმება. თუმცა, არიან მშობლებიც, რომელთა შვილებისთვისაც სწავლის პროცესი ბევრად უფრო საინტერესო და მრავალფეროვანი გახდა.

როგორ? სწორედ ამ ანდაზის წინააღმდეგ "გალაშქრების" მიზნით 2012 წელს რამდენიმე თანამოაზრე სტუდენტმა შექმნა ორგანიზაცია, რომელიც განათლების სისტემაში უპრეცენდენტო პროექტების განხორციელებას ისახავდა მიზნად. იდეის ავტორებმა მოსწავლეთა მოტივაციაზე დაიწყეს ფიქრი. იდეის არსი ისეთი პროდუქტის შექმნა იყო, რომელიც ნებისმიერი შესაძლებლობის მოსწავლისთვის სასწავლო პროცესს უფრო მიმზიდველს და სასიამოვნოს გახდიდა. პროდუქტი, რომელიც თავად გახდებოდა სწავლის მოტივატორი და მოსწავლეებს ადრეული ასაკიდანვე ხალისით შეაჩვევდა წარმატებისკენ სწრაფვას. ასე დაიწყო გუნდის: "კინგსი საქართველო" საქმიანობა...

როგორც თავად კომპანიის წარმომადგენლები აღნიშნავენ, "კინგსი" პირველი კერძო ორგანიზაცია იყო, რომელმაც საქართველოში თანამედროვე ტიპის საგნობრივი ოლიმპიადების ორგანიზებას ჩაუყარა საფუძველი. დღეისთვის ორგანიზაციას ათიათასობით მონაწილე და ასეულობით გამარჯვებული კინგსელი ჰყავს. "კინგსმა" დანერგა პირველად, ნაშრომების ელექტრონულად გასწორებისა და შეფასების ყველაზე გამჭვირვალე სისტემა საქართველოში. "კინგსმა" ჩაატარა ყველაზე მასშტაბური საგნობრივი ოლიმპიადები ინგლისურ ენასა და მათემატიკაში; "კინგსმა" შექმნა სპეციალურად კინგსელებისთვის საგანმანათლებლო ინტერნეტტელევიზია KING'S TV; "კინგსმა" შეუწყო ხელი ქართველი კინგსელების გასვლას საერთაშორისო ასპარეზზე და ა.შ.

განათლების სფეროში განხორციელებული ბევრი საინტერესო პროექტის თუ მოსწავლეებისა და ხალხის სიყვარულის დამსახურებით "კინგსმა" ბიზნესდაჯილდოების პროექტში გამარჯვება მოიპოვა. "თიბისი ბანკისა" და "ჯეოსელის" ერთობლივი პროექტი "ბიზნესდაჯილდოება 2016", რომელშიც 523-მა კომპანიამ მიიღო მონაწილეობა 17 ნოემბერს ფინალური ღონისძიებით დასრულდა. სწორედ ამ დღეს, ნომინაციაში "ხალხის რჩეული" ხმათა უმრავლესობით "კინგსი საქართველო" გახდა გამარჯვებული.

"კინგსის" მარკეტინგის პროექტების მენეჯერი, თამთა რუაძე AMBEBI.GE-ს ბიზნესდაჯილდოების პროექტში მონაწილების მნიშვნელობასა და "კინგსი საქართველოს" სამომავლო გეგმებზე ესაუბრა:

ბიზნესდაჯილდოება 2016: "პირველ რიგში დიდი მადლობა გვსურს გადავუხადოთ თიბისი ბანკს და ჯეოსელს ამ მასშტაბური კონკურსისთვის, რომელმაც მცირე და საშუალო ბიზნესებს საშუალება მისცა, წარმოეჩინა და გაეზიარებინა საკუთარი წარმატება ერთმანეთისთვის. "ბიზნეს დაჯილდოების" საშუალებით გავეცანით უამრავ ახალ ბიზნესს, შევიძინეთ ახალი კავშირები და მათთან საქმიანი თანამშრომლობის შესაძლებლობა გაჩნდა.

"კინგსი საქართველო" ორ ნომინაციაში იყო წარდგენილი: "წლის ქართული პროდუქტი" და "ხალხის რჩეული". ძალიან ღირებული იყო ჩვენთვის წლის ქართული პროდუქტის სამეულში მოხვედრა, ვინაიდან ხალხში პროდუქტის აღქმა, როგორც სერვისის და არა ნაწარმის, რთულია. ამიტომ დიდი მადლობა გვსურს გადავუხადოთ ჟიურის წევრებს ასეთი შეფასებისთვის. გამარჯვება მოვიპოვეთ ნომინაციაში: "ხალხის რჩეული". გვინდა ყველა კინგსელს, მშობლებს და მასწავლებლებს თუ სკოლებს გადავუხადოთ ძალიან დიდი მადლობა ჩვენი მხარდაჭერისთვის".

"კინგსის" მთავარი მიღწევები: "ყოველი მეოთხე ბავშვი საქართვლეოში "კინგსელია". ჩვენ ვცდილობთ შევქმნათ ბედნიერი, სტრესისგან თავისუფალი გარემო, სადაც თოთოეული მონაწილე დამოუკიდებლობას, საკუთარი შესაძლებლობების რწმენას და საკუთარ თავზე მუშაობას ჩვენთან ერთად ხალისით სწავლობს. სასკოლო ცხოვრებაში დავნერგეთ მასშტაბური, მრავალჯერადი და რეზონანსული სოციალური აქციები:

"გარემო ბარიერების გარეშე შეუზღუდავი შესაძლებლობისთვის" - შეზღუდული შესაძლებლობის მქონე პირთა მხარდამჭერი აქციები, რომელშიც ათი ათასობით მოსწავლე, სკოლები მთელი საქართველოს მასშტაბით და საზოგადოებისთვის ცნობილი სახეები ერთვებიან; "ჩვენ ვაფერადებთ სამყაროს" - ლეიკემიით დაავადებულთა მხარდამჭერი აქცია, რომელსაც კინგსელებთან ერთად თითქმის ყველა წამყვანი კომპანია შემოუერთდა; "მდიდარი ქართული ენა" - მრავალფეროვანი ქართული ენისა და ეროვნული საგანძურისადმი მიძღვნილი, მასშტაბური აქცია, რომლის ფარგლებშიც ათი ათასობით კინგსელმა საქართველოს 33 ქალაქში გააცოცხლა ქართული ანბანი და წარმოაჩინა ვეფხისტყაოსნის სიბრძნე.

"იყო კინგსელი, ნიშნავს გიყვარდეს" - კინგსელების სახელით გამართული სხვადასხვა სახის საქველმოქმედო აქციების ციკლი. კინგსის მიერ სამოქალაქო თვითშეგნების ამაღლებისკენ მიმართული სოციალური აქტივობები მოსწავლეების ყოველდღიურობის განუყოფელი ნაწილი ხდება და მათ ღირსეულ მოქალაქეებად აყალიბებს.

"კინგსის" თაობა: "დღეს ჩვენ გვყავს კინგსის თაობა, რომელიც სწავლობს ერთმანეთზე ზრუნვას, ერთმანეთის წარმატების აღიარებას, საკუთარი წარმატებისთვის ბრძოლას, აფასებს საკუთარ შესაძლებლობებს, ხდება დამოუკიდებელი, იცის შრომის ფასი და მზად არის გაიმარჯვოს არჩეულ გზაზე. ჩვენ ვგრძნობთ პასუხისმგებლობას, რომელიც გვაკისრია მოსწავლისა და მშობლის, მასწავლებლის, სკოლისა და ქვეყნის წინაშე და გვჯერა, რომ მათ ვაძლევთ შესაძლებლობას იპოვონ გზა საკუთარი წარმატებისკენ.

სამომავლო გეგმები: "შემოდგომის სეზონიდან კინგსი განვითარების ინოვაციურ ეტაპზე გადადის და მოსწავლეებს ონლაინ საგანმანათლებლო ტექნოლოგიებზე დაფუძნებულ, სრულიად ახალ შესაძლებლობებს სთავაზობს. 2016 წლის სექტემბერში კინგსის საინიციატივო ჯგუფის მიერ ინიცირებული ონლაინ- საგანმანათლებლო პლატფორმის პროექტმა "სტარტაპ საქართველოს" ინოვაციური პროექტების კონკურსში გაიმარჯვა და სახელმწიფო დაფინანსება მოიპოვა. ამ პროექტის მიხდვით, ქართველი პროფესორების მიერ სპეციალურად კინგსელებისთვის იქმნება მოსწავლის ინდივიდუალურ განვითარებაზე ორიენტირებული უნიკალური ონლაინ საგანმანათლებლო პლათფორმა EduRoad-ი."

თამარ კორკოტაშვილი

AMBEBI.GE