მნიშვნელოვანი ინფორმაცია
19
ივნისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 01:35-ზე, მთვარე ვერძში გადავა 03:07-ზე –
მოერიდეთ აჩქარებას და გაღიზიანებას. არ არის რეკომენდებული მოლაპარაკებების წარმოება. აზრებისა და იდეების სხვებისთვის გაზიარება. დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გიგო სტუდენტი გახდა - რატომ ვერ აბარებს თეატრალურში და რა პროფესია აირჩია დროებით მსახიობობის ნაცვლად
04:59 / 04-12-2016
გიგო შიუკაშვილი, რომელმაც ეკრანზე გამოჩენისთანავე შეაყვარა თავი ქართველ ტელემაყურებელს, რამდენიმე დღის წინ სტუდენტი გახდა. ამის შესახებ "ფეისბუქის" საკუთარი გვერდის საშუალებით მისმა დედამ, ინგა სარჯველაძემ გვაცნობა.
AMBEBI.GE ქალბატონ ინგას დაუკავშირდა.
"საერთოდ, გიგოს სურვილია, - თეატრალურ უნივერსიტეტში ჩააბაროს, რომ მსახიობი გამოვიდეს. მიუხედავად იმისა, რომ მან სკოლა უკვე დაამთავრა, ეს პრობლემა ჯერ ვერ გადალახა, იმიტომ, რომ ამის პროფესიული განათლება არ არსებობს და ამის მიღწევას გარკვეული დრო დასჭირდება, რომ სამინისტრომ სტანდარტი დაამტკიცოს და თან, რომელიმე სასწავლებელმა საკუთარ თავზე აიღოს ეს პროფესიული განათლება," - ამბობს ინგა სარჯველაძე.
- რას ნიშნავს ეს?
- პროფესიული განათლება თეატრალური მიმართულებით არ არსებობს. სადაც კი ჩვენი განათლების დონე ამის საშუალებას იძლევა, იქ ინკლუზიური მიდგომებით შევდივართ. გიგოს და მის მეგობრებს ატესტატების ნაცვლად, სერტიფიკატები აქვთ. სადაც ის ჭრის და შესაძლებელია, იქ პრობლემა არ არის, მაგრამ მხოლოდ ბაკალავრის უფლება გვაქვს, პროფესიული არ არსებობს. ამიტომ განათლების სამინისტროსთან ამ სტანდარტის შექმნაზე ვურთიერთობთ, ვითომ თანახმანი არიან, მაგრამ მნიშვნელოვანია ის სასწავლებელიც, რომელიც საკუთარ თავზე ამის განხორციელებას აიღებს. როგორც ვიცით, ამის ბაზა ილიაუნის და თეატრალურ უნივერსიტეტს აქვს. ამ ორიდან, ერთ-ერთი უნდა იყოს თანახმა. მოკლედ, ამ კუთხით მიდის მოლაპარაკება და ზოგადად, ამ მიმართულებით ძალიან ბევრი პრობლემაა.
- რამდენ ხანში მოწესრიგდება?
- ალბათ დიდი დრო დასჭირდება, ერთ წელიწადში თუ მოგვარდა, - ესეც საკითხავია. ამიტომ, ამის გამო დრო რომ არ დაგვეკარგა, იმ მწირ შემოთავაზებას გადავხედეთ, რომელიც ჩვენი განათლების დონისთვის იყო და ავირჩიეთ ბარტენდერის პროფესიული კურსი. ეს იგივე ბარმენობაა. გავიარეთ გასაუბრება და გიგომ იქ სწავლა დაიწყო. გიგო და სესილი ორივე ერთად არიან...
- სესილი მისი თანაკლასელი და მეგობარია?
- კი, ჩვენ ერთად მოვდივარ ბევრი წელია. მასაც დიდი სურვილი აქვს, რომ თეატრალურზე განაგრძოს სწავლა, დიდი იმედი მაქვს, რომ ყველაფერი გამოგვივა და გიგო "თეატრალურში" ისწავლის. ამ ეტაპზე კი ასეთი არჩევანი გავაკეთეთ, ალტერნატიული პროფესია რომ ჰქონოდა, ეს მინდოდა.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება იმ მამაკაცის დაკავების კადრები, რომელმაც სიმამრი მოკლა, სიდედრი კი სცემა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
