რუსული ბომონდის რჩეული სტილისტი ლონდონში გადავიდა და ქალის ცხოვრებით ცხოვრობს
რუსი ვარსკვლავების საყვარელი სტილისტი ევგენი გრიბოვი საცხოვრებლად ლონდონში გადავიდა და ქალის ცხოვრებით ცხოვრობს.
"ჟოზეფინა დამიძახეთ" - განაცხადა სტილისტმა და ლონდონში ახალი ცხოვრება დაიწყო ახალი სახელით, ახალი სამოსით და ახალი ცხოვრების წესით. სტილისტი ევგენი გრიბოვი, რომლის მომსახურებითაც სარგებლობდნენ რუსული ბომონდის ცნობილი სახეები: ქსენია სობჩაკი, ვალერია, პოლინა გაგარინა და სხვები, ახლა ჟოზეფინა ტრამპი გახდა. იმის მიუხედავად, რომ სქესის შეცვლის ოპერაცია მას არ გაუკეთებია და არც გეგმავს, მისი ახალი იმიჯის გამო მასში ევგენი გრიბოვის ამოცნობა შეუძლებელია. სოციალურ ქსელებში ის ორმაგი ცხოვრებით ცხოვრობს, აქვეყნებს ფოტოებს, სადაც ჩვეულ სტილშია, როგორც მამაკაცი და იმ ფოტოებსაც, სადაც უკვე ჟოზეფინა ტრამპია.
ქალის იმიჯის წყალობით ჟოზეფინა ტრამპს კიდევ უფრო მეტი კლიენტი გამოუჩნდა, რომელთა შორისაც კუტურიე ჯონ გალიანო და მომღერალი ლარა ფაბიანიც არიან.
"დამაინტერესა, როგორია ქალების სამყარო, მომინდა მათ კანში ყოფნა. მეგობრები მეუბნებოდნენ, რომ აქ მსგავსი ნაბიჯები წარმატებას მოგიტანსო და ასეც გამოდგა", - ამბობს ჟოზეფინა ტრამპი.
მომზადებულია life.ru-ს მიხედვით
თუ პანდემიის დროს სახლის ყიდვა გადაწყვიტეთ, გაითვალისწინეთ ეს წესები სწორი არჩევანის გასაკეთებლად
8 ნიშანი, რომ ურთიერთობა იძულებითია - თუ თქვენი თავი ამოიცანით, დაშორების დროა
