24
მაისიდღის ზოგადი ასტროლოგიური პროგნოზი
როდესაც 39 წლის ბრიტანელმა ქალმა დაღლილობა და გულისრევა იგრძნო, იფიქრა, რომ მეორე ბავშვზე იყო ორსულად. ამ ამბავმა ძალიან გაახარა, მაგრამ როდესაც ექიმთან მივიდა, ორსულობა არ დაფიქსირდა. ამის მაგივრად ქალს იშვიათი ფორმის სიმსივნე დაუდგინეს.
არსებობს ფეხმძიმობის შემთხვევები, როდესაც ქალის საკვერცხე ფერტილიზაციას ვერ განიცდის და დიდი რაოდენობის უჯრედებად ყალიბდება, რაც შეიძლება სიმსივნურიც აღმოჩნდეს. არსებულმა მასამ სიმსივნის წარმოქმნა გამოიწვია.
"წარმოიდგინეთ, რომ გგონიათ ფეხმძიმედ ხართ, გიხარიათ და უცებ გეუბნებიან, რომ ეს ორსულობა კი არა, სიმსივნეა. უბრალოდ ვერ ვიჯერებდი," - ყვება რაილი.
შვიდთვიანი ქიმიოთერაპიის კურსის შემდეგ, რაილი გამოჯანმრთელებისკენ მიდის. "საშინელება იყო, მაგრამ ბევრი ადამიანი დამიდგა გვერდით. ახლა თავს ისე ვგრძნობ, თითქოს ფრენა შემეძლოს. ერთი სული მაქვს, ენერგიას როდის აღვიდგენ და ახალი ძალებით გავაგრძელებ ცხოვრებას", - ამბობს ქალი.
მომზადებულია cosmopolitan.com-ს მიხედვით.
