მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"როცა მგზავრი ადის გატენილ მიკროავტობუსში, მძღოლმა რა ქნას?" - რატომ ვერ გვარდება თბილისში გადაჭედილი "მარშრუტკების" პრობლემა
06:30 / 28-11-2016
რამდენიმე დღის წინ PALITRATV.GE-მ გაავრცელა ვიდეო, რომელიც თბილისში, ერთ-ერთ მიკროავტობუსში არსებულ სიტუაციას ასახავს. კადრებში კარგად ჩანს, პიკის საათის დროს მგზავრებით "გადაჭედილი" ყვითელი "მარშრუტკა". ამ საკითხზე კომპანია "თბილისის მიკროავტობუსმა" სპეციალური განცხადება გაავრცელა, სადაც მოქალაქეებს მიმართა "მაქსიმალურად შეიკავონ თავი გადატვირთულ მიკროავტობუსში ასვლისგან". ასევე, განცხადებაში განმარტეს, რომ "ყველა იმ მძღოლის მიმართ, რომელიც დაუშვებს მის მიერ მართვად სამარშუტო ტაქსში ზედმეტი მგზავრის აყვანას, გატარდება მკაცრი ადმინისტრაციული ზომები კომპანიის მონიტორინგის სამსახურის მიერ".
თუმცა, სიტუაცია უცვლელია. განცხადების გავრცელებიდან 10 დღის შემდეგ, #149 მიკროავტობუსში იგივე მდგომარეობაა - ყვითელი "მარშრუტკა" ისევ გადავსებულია. AMBEBI.GE სიტუაციაში გასარკვევად "თბილისის მიკროავტობუსის" საზოგადოებასთან ურთიერთობის სამსახურის უფროსს, ნათია მიქიაშვილს დაუკავშირდა:
"ქალაქში არსებული საცობების გამო მიკროავტობუსები ვერ ახერხებენ მოძრაობის გრაფიკის დაცვას. ჩვენ დავამატეთ რამდენიმე ასეული მიკროავტობუსი ყველა პრობლემურ რაიონში, მაგრამ ეს არაეფექტიანი აღმოჩნდა ზუსტად ამ საცობების გამო. კომპანიამ გამოსცა შიდა განკარგულება, რომლის მიხედვითაც მძღოლი ვალდებულია საქარე მინაზე განთავსებული ჰქონდეს თავისი სახელი და გვარი. თუ მოგვაწოდებთ ამ მიკროავტობუსის სახელმწიფო ნომერს ან მძღოლის ვინაობას გვეტყვით, კომპანია გამოიყენებს სანქციებს, რომელიც მონიტორინგის სამსახურს დაწესებული აქვს. და კიდევ, რას გვირჩევთ, როდესაც ღია კარში, გაჩერებაზე მგზავრი ადის გატენილ მიკროავტობუსში, მძღოლმა რა ქნას? მძოლებს კატეგორიულად ავუკრძალეთ სავსე მიკროავტობუსში მგზავრის აყვანა, მაგრამ ზოგჯერ მძღოლს არ რჩება გამოსავალი, როცა გაჩერებაზე გააჩერებს, სადაც ჩადის მოქალაქე, იქიდან კიდევ 15 კაცი რომ ამოვა, რა ქნას მძღოლმა გააჩეროს და აღარ წავიდეს?", - განგვიცხადა მიქიაშვილმა.
"თბილისის მიკროავტობუსის" ინფორმაციით, გადაჭედილობის პრობლემის მოსაგვარებლად თბილისში რამდენიმე მიკროავტობუსი დაამატეს. "ქალაქში 2000-მდე მიკროავტობუსი მოძრაობს. მიკროავტობუსები დავამატეთ დედაქალაქის ცენტრალურ ნაწილში, ასევე, ვარკეთილში, გლდანში, დიდ დიღომში. ბოლო პერიოდში 200-250 მიკროავტობუსი დავამატეთ. სადღაც ათი დავამატეთ, ერთგან რვა, ერთგან ორი და ამან შედეგი მოგვცა, მაგრამ დედაქალაქის რაღაც ნაწილში ეს არაეფექტიანია, იმიტომ, რომ არის საცობი" - განმარტავენ კომპანიაში.
რაც შეეხება სანქციებს მძღოლების მიმართ, დავინტერესდით, გატარდა თუ არა "მკაცრი ადმინისტრაციული ზომები კომპანიის მონიტორინგის სამსახურის მიერ" და ამ პერიოდში რამდენი მძღოლი იქნა გაფრთხილებული:
"სანქციები დაწესებულია კომპანიის მონიტორინგის სამსახურის მიერ. პირველი შემთხვევის დროს, მძღოლს რამდენიმე ხანი ეკრძალება მიკროავტობუსის მართვა. მეორე შემთხვევაზე ეს ვადა იზრდება, ხოლო მესამეზე შეიძლება მძღოლთან კონტრაქტი შეწყდეს. ოღონდ აქ არ უნდა აგვერიოს ორი შემთხვევა. გვქონდა შემთხვევა, როცა მძღოლი ეხვეწებოდა მგზავრს, რომ არ ასულიყო მიკროავტობუსში, მაგრამ მგზავრი მაინც ავიდა და ეს სხვა მგზავრებმაც დაადასტურეს. ამ დროს მძღოლი ვერ დაიწყებს ჩხუბს, რადგან ზის საჭესთან, გადაყავს ამდენი ადამიანი და წყობილებიდან ვერ გამოვა. ამიტომ როდესაც ჩვენმა მონიტორინგის სამსახურმა დაინახა ეს ყველაფერი, მის მიმართ სანქცია არ გამოიყენა.
ყოველდღიურად საშუალოდ 5-10 მძღოლის წინააღმდეგ გამოიყენება სხვადასხვა ტიპის სანქციები. ბოლო 1 კვირის განმავლობაში, ანუ მას შემდეგ, რაც განცხადება გავავრცელეთ, დაახლოებით 8 მძღოლის წინააღმდეგ პირველადი სანქცია იქნა გამოყენებული", - განაცხადა "თბილისის მიკროავტობუსის" საზოგადოებასთან ურთიერთობის სამსახურის უფროსმა ნათია მიქიაშვილმა.
კიდევ ერთი საკითხი, რაც ყვითელ მიკროავტობუსებთან არის დაკავშირებული, მგზავრობის ტარიფია. ბოლო რამდენიმე დღეა მედიაში ვრცელდება ინფორმაცია, რომ მგზავრობის ტარიფი 80-თეთრიდან 1 ლარამდე გაიზრდება. თუმცა, როგორც თბილისის მერიაში, ასევე "თბილისის მიკროავტობუსში" განმარტავენ, ინფორმაცია სიმართლეს არ შეესაბამება:
"კომპანია არ ადასტურებს ამ ეტაპზე მგზავრობის საფასურის გაძვირებას. თუ რამე შეიცვლება, მოქალაქეებს რამდენიმე კვირით ადრე აუცილებლად შევატყობინებთ, მაგრამ აქვე გეტყვით, რომ შარშანაც, შარშან წინაც, იმის წინაც, ყოველი წლის ბოლოს, მიზანმიმართულად თუ შეუგნებლად, ავრცელებენ ამ ინფორმაციას, მაგრამ ბოლო 6 წელია ტარიფი არ შეგვიცვლია, თუ რამე შეიცვალა, აუცილებლად შეგატყობინებთ".
თეა ბეჟიტაშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
