მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ირმა ინაშვილი მიხეილ გიორგაძეს - როცა ციხეში მოხვდებით, ბევრი დრო გექნებათ იფიქროთ
06:10 / 25-11-2016
მე გპირდებით, რომ ერთ მშვენიერ დღეს თქვენ აგებთ პასუხს საყდრისის გამო და როცა ციხეში მოხვდებით ბევრი დრო გექნებათ იფიქროთ, სწორად მოიქეცით თუ არა როდესაც ბრძანებას მოაწერეთ ხელი - ასე მიმართა ვიცე-სპიკერმა ირმა ინაშვილმა კულტურის მინისტრობის კანდიდატს მიხეილ გიორგაძეს საქართველოს პარლამენტში, სადაც გიორგი კვირიკაშვილი და მინისტრობის კანდიდატები ფრაქცია "საქართველოს პატრიოტების" წევრებს ხვდებიან.
როგორც ირმა ინაშვილმა განაცხადა, კვირიკაშვილის გუნდში ბევრი მინისტრია, რომელსაც მხარს უჭერს და მიიჩნევს, რომ ისინი კომპეტენტურები არიან, თუმცა არიან წარდგენილი ისეთი მინისტრობის კანდიდატებიც, რომლებიც არათუ მინისტრები არ უნდა იყვნენ, არამედ დანაშაული მიუძღვით.
"მე მხარს არ ვუჭერ წარმოდგენილ კანდიდატთა შორის კულტურის მინისტრობის კანდიდატს მიხეილ გიორგაძეს. მთავარი თემა, რაზეც ჩვენ ვსაუბრობთ საყდრისთან დაკავშირებული მოვლენებია. გიორგაძე აცხადებს, რომ სწორად მოიქცა და არ ნანობს იმას, რომ ხელი მოაწერა საყდრისის აფეთქებას.
თქვენ თქვენი ბრძანებულებით, რომლის თანახმადაც მოუხსენით კულტურული მემკვიდრეობის ძეგლის სტატუსი, საყდრისი მეორე დღეს ააფეთქეს. მე არ დაგისვამთ კითხვას გრძნობთ თუ არა პასუხისმგებლობას - თქვენი განცხადებებიდან ჩანს, რომ თქვენ ამ პასუხისმგებლობას არ გრძნობთ.
ერთადერთ რამეს გპირდებით მე ამ პოსტიდან, რომ ერთ მშვენიერ დღეს, თქვენ აგებთ პასუხს საყდრისის გამო და როცა ციხეში მოხვდებით ბევრი დრო გექნებათ იფიქროთ, სწორად მოიქეცით თუ არა როდესაც ბრძანებას მოაწერეთ ხელი", -განაცხადა ირმა ინაშვილმა.
მან ასევე კულტურის სფეროში არსებულ სხვა პრობლემებზეც გაამახვილა ყურადღება და აღნიშნა, რომ პრობლემებია საქართველოს მუზეუმებსა და საცავებში, რადგანაც ექსპონატები ნადგურდება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
