მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვიცოდი, ეს ბავშვი ფურორს მოახდენდა" - იცნობდეთ ადამიანს, რომელმაც "ევროვიზიაზე" ქართველებს რეკორდი დაამყარებინა
04:18 / 24-11-2016
2016 წლის საბავშვო "ევროვიზიის" კონკურსის გამარჯვებული ქართველი შემსრულებელი, 10 წლის მარიამ მამადაშვილი გახდა. უნიჭიერესმა გოგონამ კონკურსზე სიმღერა "მზეო" შეასრულა და 17 ქვეყნის წარმომადგენელს აჯობა.
შეგახსენებთ, რომ საქართველომ საბავშვო "ევროვიზიის" კონკურსი მანამდე ორჯერ მოიგო - 2008 წელს პირველი ადგილი ჯგუფ "ბზიკებს" ერგო, ხოლო 2011 წელს ფინალისტი ჯგუფი "ქენდი" გახდა. უნდა აღვნიშნოთ, რომ მარიამი სტუდია "ბზიკების" აღსაზრდელია, რომლის ხელმძღვანელი მუსიკოსი, კომპოზიტორი და პროდიუსერი გიგა კუხიანიძეა. ისიც მნიშვნელოვანია, რომ გიგა არა მარტო მარიამის, წინა წლებში გამარჯვებული კონკურსანტების ხელმძღვანელიც გახლდათ...
AMBEBI.GE გიგა კუხიანიძეს ესაუბრა, რომელიც ორი დღეა კონკურსიდან აღფრთოვანებული და გახარებული დაბრუნდა:
- საბავშვო "ევროვიზიის" კონკურსის ისტორიაში საქართველოსთვის რეკორდული რიცხვია, - ჩვენმა ქვეყანამ მესამედ გაიმარჯვა! ამდენი გამარჯვება ჯერ არც ერთ ქვეყანას მოუპოვებია. ამიტომ, ძალიან ამაყები ვართ ქართველები, "ბზიკების" სტუდია კი საერთოდ რეკორდსმენია, მესამედ ერგოთ ასეთი წარმატება. რაც შეეხება მოლოდინს, არც ერთხელ არ მქონია გამარჯვების მოლოდინი, ამას წინასწარ ვერასდროს ვხვდებოდი...
- რატომ?
- თავისთავად ისეთი პროექტია, სადაც ქვეყანა მონაწილეობს, ამიტომ გინდა, რომ კონკურსანტები კარგად წარსდგნენ, ნომერი ყველანაირად გამართული იყოს, შესაძლოა ყველაფერი კარგი გაკეთებულია, მაგრამ ცუდად შესრულდეს, ამა თუ იმ მიზეზით გაფუჭდეს, ამიტომ, ეს ყველაფერი ძალიან სანერვიულოა... ნომრის ყოველი წარდგენისას, მუდმივად ვღელავ, წყალში არ ჩაიყაროს ჩვენი (შემოქმედებითი ჯგუფი) შრომა. ასე რომ, არასდროს ვფიქრობ გამარჯვებასა და მსგავს სიხარულზე.
- ე.ი. შენთვის პირველი გამარჯვება ის არის, რომ ნომერი კარგად ჩამთავრდეს...
- კი, რადგანაც რთულ გრაფიკში უწევთ ბავშვებს იქ ყოფნა, ისე იღლებიან, სცენაზე გასულები მაინც რაღაცებს აფუჭებენ, ამ წნეხს დიდებიც კი ვერ უძლებენ. ხომ ვამბობ, შესაბამისად სულ მობილიზებული ვარ, ხარვეზი არ გაიპაროს და საქმე ბოლომდე ხარისხიანად მივიყვანოთ. თან, ისეთი რთული სიმღერა, რაც მარიამმა წარმოადგინა, ცოტა სარისკოც კი იყო. მეშინოდა, ან არ გაციებულიყო, რაიმე ვირუსი არ შეხვედროდა, მაგრამ წინა დღეს გენერალურ რეპეტიციაზე, სიმღერის მსვლელობისას, დარბაზში სამჯერ ტაში ატყდა. მაშინ მივხვდი, რომ მარიამი ფინალში განსაკუთრებულ ადგილთან მივიდოდა. როგორც ამბობენ, წარმოუდგენელი არაფერიაო და ასეც აღმოჩნდა. თუმცა პირველ ადგილს ნამდვილად არ ვფიქრობდი, მაგრამ ვიცოდი, ეს ბავშვი გარკვეულწილად ფურორს მოახდენდა.
- მარიამი დიდი ხანია თქვენს სტუდიაში დადის?
- ძალიან პატარა იყო ჩვენთან რომ მოვიდა, ანუ როცა გავიცანი. მოვუსმინე და მაშინვე ვთქვი, 10 წლის რომ გახდება, თუ შევძელი, კონკურსზე უნდა წავიყვანო, პუბლიკას გააოცებს-მეთქი. იმის მერე, 5 წლის განმავლობაში, იმას ვნატრობდი, როდის გახდებოდა 10 წლის. ისე მოხდა, რომ ამ სერიოზულ კონკურსზე მართლაც აღმოჩნდა და საოცარი შედეგი გვაჩვენა. ზედმიწევნით გულწრფელია, ამიტომ ბედნიერ ადამიანად მივიჩნევ, რომ ასეთი დაიბადა. ასევე ბედნიერები არიან მისი მშობლებიც, რომ ასეთი შვილი ჰყავთ... აქ მისი სიმღერა და შესრულება ყველას ცრემლებამდე და გულის აჩუყებამდე მოსწონდა, - ამას იმით ვხსნიდი, რომ ქართული ტექსტია, ბავშვი ქართულად მღერის-მეთქი, მაგრამ ეჭვი მეპარებოდა, რომ მასზე უცხოელ მაყურებელს იგივე ემოცია ექნებოდა. წარმოიდგინეთ, რომ მათაც ზუსტად იგივე განიცადეს. ჩვენი მესიჯი პროფესიონალმა ჟიურიმ და მაყურებელმა აბსოლუტურად მიიღო. მაქსიმალური ქულები ავიღეთ. ფანტასტიკური შედეგი იყო.
- რადგან შენი მოსწავლეები ასე მუდმივად იმარჯვებენ, ე.ი. წარმატების მიღწევის გარკვეული ფორმულაც გაქვს. "ხეზე ასვლას" ცხადია, არ გვასწავლი, რასაც არც გთხოვთ, მაგრამ გვითხარი, არსებობს თუ არა შენეული წარმატების ფორმულა?
- ამას ხშირად მეკითხებიან... საკუთარ თავთან მარტო რომ დავრჩენილვარ, ამაზე მართლაც მიფიქრია, მაგრამ ასეთი ფორმულა არ არსებობს, რადგანაც ყველაფერი შემოქმედებითი პროცესია და როგორ შეიძლება აქ რამე აწონ-დაწონო? უბრალოდ ძალიან მიყვარს ეს პროექტი, რომელმაც დასაწყისშივე, აბსოლუტურად შეცვალა ჩემი ცხოვრება, - მასში მთელ სულსა და გულს ვდებ. მუშაობის პროცესში არანორმალურივით ვარ, მთელ დროს მას ვუთმობ ისე, რომ არ მახსოვს არც ოჯახი, შვილი. სექტემბრიდან უკვე დაძაბული ვარ ხოლმე, რადგანაც სიმღერა უნდა შეიქმნას, პროექტი გაკეთდეს. მთავარი ალბათ ის არის, რომ ღმერთს ძალიან ვუყვარვართ, რომ ასე გვმფარველობს.
წელს წასვლამდეც საოცრება მოხდა, - პატრიარქმა მიგვიღო, მარიამს მოუსმინა, მოეწონა, დაგვლოცა და ავშვს ისეთი სიტყვები უთხრა, რითაც დიდი ძალა მოგვცა. ამასთან, მარიამი დაასაჩუქრა, - ჯვარი აჩუქა, რომელიც არ მოუხსნია...
- კიდევ ერთხელ რომ დავაფიქსიროთ: სიმღერის და არანჟირების ავტორი შენ ხარ, ხომ?
- კი, მე ვარ. მარიამი არის ჩემი, "ბზიკების" სტუდიიდან, მისი ვოკალის პედაგოგი სტუდიის წარმატებული პედაგოგი მაკა დავითაიაა, რომელმაც ამ სიმღერისთვის ტექსტი დაგვიწერა. კოსტიუმი მაია ქურდუბაძეს ეკუთვნის, რომელიც ყოველწლიურად ლამაზ, საკონკურსო სამოსს ქმნის. ჩვენ ვართ ასეთი პატარა ჯგუფი, "ბზიკების" სტუდია, ერთად ყოველთვის რაღაცებს ვაკეთებთ, რითაც ამაყები ვართ...
- და სახელი უკვე ევროპაშიც გაითქვით...
- კი, იქ ყველა ჟურნალისტი "ბზიკებს" გაიძახოდა, წარმოიდგინეთ, საქართველოში არსებობს ეს სტუდია და მას ევროპაში უკვე კარგად იცნობენ, რადგანაც ყოველწლიურად იქ ვართ. სულ პირველი გამარჯვებაც ნოემბერში, გიორგობისთვის გვქონდა... მოკლედ, გახარებული და ბედნიერი ვარ და მუშაობის დიდი სტიმულით აღჭურვილი. არადა, მანამდე ბევრი პროექტის დაწყება მიწევდა და ძალა არ მყოფნიდა, რადგანაც ხომ ვამბობ, სხვა მიმართულებით ვიყავი ჩართული. ამ გამარჯვებამ დადებითად დამმუხტა. ახლა პირველ რიგში, რაც უნდა გავაკეთო, ეს საბავშვო მუსიკალური ფილმია, ეს იდეა აქამდე გაყინული იყო. ასევე მეტად პროდუქტიული მინდა ვიყო როგორც ბავშვებისთვის, ისე ჩვენი ქვეყნისთვის.
- იქნებ "ევროვიზიის" ზრდასრულ მონაწილეებსაც გაუზიარო საკუთარი რეცეპტი.
- ალბათ მაგ "რეცეპტსაც" დავწერ... საერთოდ, მაგ საქმეში სულ მინდოდა ჩართვა, მაგრამ უარს შეგნებულად ვამბობდი. მაგარამ რადგანაც ახლა მესამედაც გავიმარჯვე, ალბათ მაგასაც გავაკეთებ, ოღონდ, დიდი მომზადება დამჭირდება. იქაც მინდა, ფურორი მოვახდინო, წარუმატებლობას თავს ვერ ვაპატიებ...
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
