მესტიაში გერმანელი ინჟინრის ცხედარი იპოვეს, რომელიც 12 ივლისს დაიკარგა. ის 3 წელი მესტიაში ერთ-ერთ კომპანიაში მუშაობდა. როგორც "ინტერპრესნიუსს" შინაგან საქმეთა სამინისტროში განუცხადეს, პირველადი მონაცემებით დასტურდება, რომ ნაპოვნია იმ გერმანელი ინჟინრის ცხედარი, რომელიც გაზაფხულზე დაიკარგა.
"აღმოჩენილია მისი კუთვნილი მანქანა, რომლითაც ის გადაადგილდებოდა და დაიკარგა. ასევე ნაპოვნია კომპიუტერი და საბუთები. ექსპერტიზა დაადგენს ცხედრის ვინაობას, თუმცა, პირველადი მონაცემებით, ის გერმანელი ინჟინერია", - განაცხადეს შსს-ში.
სამინისტროს ინფორმაციით, ცხედარი ამ დრომდე გადმოსვენებული არ არის.
