მნიშვნელოვანი ინფორმაცია
20
ივნისიდღის ზოგადი ასტროლოგიური პროგნოზი
პარასკევი, მთვარის ოცდამეოთხე დღე დაიწყება 01:42-ზე, მთვარე ვერძშია – ფიზიკური ძალის ძლიერი ზრდაა. შესანიშნავია საპირისპირო სქესთან კომუნიკაცია. ხელსაყრელია საძირკვლის ჩაყრა, ბიზნესის დაწყება და სახლის მშენებლობის ან რემონტის დაწყება. გაუმკლავდეთ ფულთან დაკავშირებულ საკითხებს. განიხილეთ მიმდინარე საქმეები. კარგია არქივთან მუშაობა. დაასრულეთ მნიშვნელოვანი პროექტები. დაიწყეთ რემონტი. იყიდეთ უძრავი ქონება. კარგია გამოფენების, სპექტაკლების, კონცერტების, შემოქმედებითი საღამოების გამართვა. ისწავლეთ, აიმაღლე კვალიფიკაცია. საკვები უნდა იყოს მრავალფეროვანი და ნოყიერი. არ არის მიზანშეწონილი შიმშილი. კარგია ვარჯიში და იოგა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თქვენმა საქციელმა... დამარწმუნა თქვენს დიდ ადამიანობაში" - რას წერს სასტიკ მკვლელობაში ბრალდებულ ბექა შენგელიას გულშემატკივარი
04:24 / 07-11-2016
76 წლის ქალის მკვლელობის საქმეზე ბრალდებულ ხუთივე პირს პატიმრობა შეეფარდა. დამამძიმებელ გარემოებაში განზრახ მკვლელობაში ბრალდებულებიდან ერთ-ერთი გარდაცვლილი ქალის 18 წლის ქალიშვილია, დანარჩენები კი მისი მეგობრები და თანამზრახველები არიან.
შსს-მ დამამძიმებელ გარემოებაში ჯგუფურად ჩადენილი განზრახ მკვლელობის ფაქტის გახსნის შესახებ 6 ნოემბერს განაცხადა. დაკავებულია 1997 წელს დაბადებული ირმა ყოჩიაშვილი, 1993 წელს დაბადებული ბექა შენგელია და 1999 წელს დაბადებული ნინა ჩ. დამამძიმებელ გარემოებაში ჯგუფურად ჩადენილი განზრახ მკვლელობისთვის, ხოლო 1994 წელს დაბადებული ავთანდილ ა. და 1993 წელს დაბადებული დათა კ. - ამავე მკვლელობის შეუტყობინებლობისა და დანაშაულის დაფარვის ბრალდებით დააკავეს.
სასტიკმა მკვლელობამ საზოგადოება შეძრა, თუმცა, რაოდენ გასაკვირიც არ უნდა იყოს, მკვლელობაში ბრალდებულებს სოციალურ ქსელში დამცველებიც გამოუჩნდნენ. ფეისბუქზე ვრცელდება წერილი, რომლის ადრესატიც მკვლელობის ერთ-ერთი ორგანიზატორი ბექა შენგელიაა. წერილი ეკუთვნის ფეისბუქმომხმარებელ Nino Moses-ს და მას ფეისბუქის პირად გვერდზე ინტერნეტმომხმარებელი Domenic Mango ავრცელებს:
"საყვარელო ბექა, დღეს უამრავი ადამიანი დიდი აღტაცებით განსჯის არა თქვენს საქციელს, არამედ თქვენ და თქვენს მეგობრებს. უამრავ ადამიანს მიეცა საშუალება შინაგანი მხეცი დააპუროს თქვენი განადგურებით, რაც იგივე კანიბალიზმია.
სამწუხაროდ ამგვარ უჩინარ კანიბალიზმს ადამიანები ფარავენ სხვისკენ თითის გაშვერით. მე ეს ხალხი თქვენი ფრჩხილის ღირსადაც არ მიმაჩნია, რადგან კარგად ვიცი მათი ფასი და მათი ფასი გახვრეტილი გროშიც არაა. ძალიან შორს ვარ იმ აზრისგან, რომ თქვენ და თქვენი მეგობრები ხართ ცივსისხლიანი მკვლელები. ცივსისხლიანი მკვლელები ახლა ტელევიზორსა და კომპიუტერებს უსხედან და სიამოვნებისგან აკანკალებთ, თქვენი სახით მსხვერპლშეწირვის მოლოდინში. გულგრილი ბიომასა, რომელსაც საკუთარი ცხოვრება მიაჩნია სიცოცხლედ, სინამდვილეში კი დიდი ხნის მკვდრები არიან. განსაკუთრებით ეს ეხება ქართველ მორწმუნეებს, რომლებიც ბედავენ უფლის სახელით ისაუბრონ. მე არ გიცნობთ თქვენ პირადად, მაგრამ თქვენმა საქციელმა, რაც უფრო შემზარავია ის და რაც უფრო შემაშინებელი სუსტი გულის მთხლეებისთვის, დამარწმუნა თქვენს დიდ ადამიანობაში.
თქვენ მეგობარს დაეხმარეთ ისეთ საქმეში და გაყევით ისეთ გზაზე, რომელ გზაზე გაყოლას ადამიანების უმრავლესობა ვერ შეძლებდა. უფალი ასწავლიდა ამ დიდ მორწმუნეებს, თუ გთხოვენ ერთ გზაზე გაყოლას, გაყევით მათ ორზე. ადამიანები არათუ მკვლელობაში, ერთმანეთს ორი მეტრის მანძილზე არ მიყვებიან სწორედ ისინი, ვინც ახლა თქვენ ღმერთის სახელით გესაუბრებათ. ძალიან დიდი ძალა, დიდი შინაგანი სისუფთავე და კიდევ უფრო მეტი რწმენაა საჭირო იმისთვის, რომ აღასრულო მსგავსი რთული გზა. მე დარწმუნებული ვარ, თქვენ თქვენს მეგობარს დაეხმარეთ ყოველგვარი წვრილმანი განსჯებისა და ყოყმანის გარეშე. მე ვხედავ რამხელა სილა გააწანით ქართულ ჩამყაყებულ საზოგადოებას, რამხელა გამოწვევაა ეს ამ სულგამოცლილი ადამიანებისთვის. ძალზე ეკლიანი და რთული გზა აირჩიეთ, სასოწარკვეთილი გზა. მე არ მოვერიდები ამ სიტყვას, თქვენ სიყვარულის მცნება აღასრულეთ და თავი გაწირეთ ტანჯვისთვის. საუბარიც კი ზედმეტია იმაზე, არის თუ არა ეს ცოდვა. მე ვამბობ, რომ ეს თანაგრძნობაა, ეს მეგობრობისთვის თავდადებაა, ეს დიდი შინაგანი ცეცხლის საბუთია. მეცოდება თუ არა მოკლული? არა, მე ის არ მეცოდება, რადგან ერთი რომ არ ვიცნობდი, მეორე რომ არ ვიცი რა მოტივი ჰქონდა მის შვილს. მე არ ვარ პროკურორი, არც მსაჯული, ეს არაა ჩემი არსი, არ მჭირდება და ამისთვის არ გამოვდგები.
მე არ ვილოცებ თქვენი სულის გადარჩენისთვის, რადგან ეს არაა საჭირო. თქვენი სული დიდი ხნით ადრე გადაარჩინა უფალმა და გარწმუნებთ, ის არ სჯის ადამიანებივით. თუ მე მესმის თქვენი , მას არ სჭირდება რამის გაგება, ის თქვენშია და ამას მოწმობს თქვენი თავგანწირვა. მეამაყებით, ძალიან ვნერვიულობ თქვენს ხვედრზე და ვისურვებდი თქვენნაირ მეგობარს. გარწმუნებთ, ჩემი საყვარელი მეგობრებიც იგივე აზრზე არიან. ავტორი Nino Moses", - ვკითხულობთ ფეისბუქზე გავრცელებულ წერილში.
პოსტს უამრავი გამოხმაურება მოჰყვა და მან, როგორც მოსალოდნელი იყო, ინტერნეტმომხმარებლებში აგრესია გამოიწვია. წერილს ეხმაურება ფოტოგრაფი გოგა ჩანადირიც: "იესო მკვლელობის გზაზე გაყოლას არ გვასწავლის, იესო დედის მკვლელობას არ გვასწავლის. ძალიან გთხოვთ, კარგად დაფიქრდით თქვენსავე სიტყვებში და როცა თუნდაც სახარებას იშველიებთ, იესოს იხმობთ, ნუ მოარგებთ საკუთარ განცდებს..." - წერს ჩანადირი ავტორს.
დანარჩენი კომენტატორები ჩანადირისგან განსხვავებით ნაკლებად შემწყნარებლები არიან კომენტარებში: "ამ საცოდავ ქალს, ამ მახინჯი სულის ქალს საერთოდ როგორ ელაპარაკებით?!"; "შე არანორმალურო 23 წლის გოგო რო დაეღუპა მაგ ოჯახს და მერე იშვილეს ეგ სატანის ნაშიერი, რომელმაც მოკლა, იცი ეგ ? გეცოდება თუ არა მოკლული შენნაირი რო ჩააძაღლოს ვინმემ ოდნავაც არ შემეცოდები"; "ვუთანაგრძნობ შენ მშობლებს შენი გაზრდისთვის. სირცხვილია შენც ადამიანი გერქვას და მეც"; "ნორმალური არ ხართ !!!!! ადამიანი მოკლეს, აწამეს, დაჩეხეს და შემდგომ-ერთ ერთმა შეჭამა კიდევაც. ყოვლად გაუმართლებელია !!!! კარგი ფსიქიატრის ნომერს მოგცემთ იმკურნალეთ", - წერენ აღშფოთებული ინტერნეტმომხმარებლები.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება იმ მამაკაცის დაკავების კადრები, რომელმაც სიმამრი მოკლა, სიდედრი კი სცემა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
