ხარაგაულის რაიონის სოფელ ზვარეში მომხდარი ინციდენტისას დაშავებული ოთხი მუშა ზესტაფონის საავადმყოფოშია გადაყვანილი. როგორც დაშავებულები ჟურნალისტებთან საუბრისას აღნიშნავენ, ინციდენტი გუშინ საღამოს მოხდა.
"ერთ-ერთ მუშასთან მოუვიდათ კონფლიქტი ჩინელებს და ჩვენც მის დასახმარებლად მივედით. რკინის ჯოხებით გვცემდნენ, რის შედეგად რამდენიმე მუშამ სერიოზული დაზიანება მიიღო. ზოგს ჭრილობები თავის და ტანის არეში აქვს მიყენებული", - განაცხადა ერთ-ერთმა დაშავებულმა ჟურნალისტებთან საუბრისას.
არსებული ინფორმაციით, წუხელ სოფელ ზვარეში რკინიგზის ლიანდაგის მშენებლობაზე დასაქმებულ რამდენიმე ქართველ და ჩინელ მუშას შორის დაპირისპირება მოხდა.
წაიკითხეთ ასევე: ჩინური კომპანიის წარმომადგენლებმა სოფელ ზვარეში რამდენიმე მუშა "არმატურებით" სცემეს - დაშავებულები საავადმყოფოში არიან
