მოსკოვში "Amnesty International"-ის ოფისი დახურეს

მოსკოვში საერთაშორისო უფლებადამცველი ორგანიზაცია "Amnesty International"-ის ოფისი დახურეს. "ბი-ბი-სის" ინფორმაციით, რუსეთის მთავრობა განმარტავს, რომ ოფისის დაკეტვა შენობის ქირის გადაუხდელობას უკავშირდება, რის შესახებაც ორგანიზაცია ინფორმირებული იყო.

უფლებადამცველები, თავის მხრივ, აცხადებენ, რომ მოსკოვის შესაბამისი საქალაქო სამსახურებისგან არავითარი გაფრთიხლება არ მიუღიათ. ორგანიზაციის თანამშრომლებს ოფისის კარი ოთხშაბათს დალუქული დახვდათ. მათივე ინფორმაციით, კარს ემჩნეოდა, რომ შემტვრეული იყო.