მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
4 მლრდ-იანი ბიუჯეტი ქრისტეს საფლავის შესასწავლად - რა აღმოჩენებს უნდა ველოდოთ მკვლევარებისგან
08:35 / 01-11-2016
იერუსალიმში, მთავარი ქრისტიანული სიწმინდის რესტავრაციის დროს, არქეოლოგებმა მარმარილოს მასიური ფილა ახადეს, რომელიც ქრისტეს საფლავს თითქმის 500 წლის განმავლობაში იცავდა. უნიკალური ამ ყველაფერში ისაა, რომ კაცობრიობის ისტორიაში ეს პირველი შემთხვევაა, როდესაც ეკლესიამ მეცნიერებს ქრისტიანული სამყაროს უმთავრეს ფასეულობასთან ასე ახლო მისვლის უფლება მისცა. მეცნიერთა და მკვლევართა ქმედებას მხარს იერუსალიმის პატრიარქი თეოფილოს III უჭერს.
მარმარილოს ფილა ქრისტეს საფლავზე 1555 წელს ბონიფაცი რაგუზსკიმ ქრისტიანთა უწმინდესი რელიქვიის დასაცავად განათავსა. ასობით და ათასობით მორწმუნე თან ქრისტეს საფლავის მცირე ნატეხის წაღებას ლამობდა და ამ შემთხვევაში მარმარილოს მასიურმა ფილამ ერთგვარი დამცავი ბარიერის ფუნქცია იკისრა.
ეროვნული გეოგრაფიული საზოგადოების არქეოლოგის ფრედრიკ გიბერტის თქმით, მათ წინ დიდი, სკურპულოზური და შრომატევადი სამუშაო ელით - "როდესაც მარმარილოს ფილა ავიღეთ, მის ქვეშ დიდი რაოდენობით ქვის მასალა აღმოვაჩინეთ. საკმაოდ დიდი დრო დაგვჭირდება იმისთვის, რომ შევისწავლოთ იმ ქვის ორიგინალური ზედაპირი, რომელზეც სამი დღის განმავლობაში ქრისტეს სხეული ესვენა".
ქრისტიანული რელიგიის თანახმად, ჯვარცმის შემდეგ, ქრისტეს სხეული იერუსალიმის ფარგლებს გარეთ, გოლგოთის მთის სიახლოვეს კლდეში ნაკვეთ აკლდამაში დაასვენეს. შემდგომ ამ ადგილას კუვუკლია - გუმბათოვანი სამრეკლო აღიმართა. 1927 წლის მიწისძვრით დაზიანებული ნაგებობა დღეს რკინის კონსტრუქციებითაა გამაგრებული.
კუვუკლიაში მიმდინარე სარესტავრაციო სამუშაოების დასრულება გაისად იგეგმება. მეცნიერებს და არქეოლოგებს მისი შესწავლა იერუსალიმის პატრიარქმა, რელიგიური საზოგადოების სხვა ორ წარმომადგენელთან შეთანხმებით, ჯერ კიდევ 2015 წელს შესთავაზა. შესასრულებელი სამუშაოების ბიუჯეტი 4 მილიარდ დოლარს აღემატება. რაც ყველაზე მთავარი და საინტერესოა - პროექტის ერთ-ერთი მთავარი სპონსორი იორდანიის მეფე აბდულა მეორეა.
აკლდამის მოძიების ბრძანება, რომელშიც ქრისტეს სხეული დაასვენეს, IV საუკუნეში იმპერატორმა კონსტანტინე პირველმა გასცა. დანამდვილებით ცნობილია, რომ დედამისმა ამ მიზნით იერუსალიმში 326 წელს იმოგზაურა. მიჩნეულია, რომ ქრისტეს საფლავი, ჯვარი, რომელზეც ის აცვეს და სხვა ქრისტიანული რელიქვიები სწორედ მაშინ აღმოაჩინეს.
პირველი კუვუკლია 335 წელს ააგეს. 1009 წელს მუსულმანებმა ის დაანგრიეს. ახალი ნაგებობა XI საუკუნის შუა ხანებში, ბიზანტიის იმპერატორის კონსტანტინე IX განკარგულებით აშენდა. 1555 წელს ბონიფაცი რაგუზსკიმ მას რესტავრაცია ჩაუტარა. თუმცა ამ ნაგებობას ჩვენამდე არ მოუღწევია - 1808 წელს ის ხანძარმა გაანადგურა.
1809-1810 წლებში კუვუკლია ბერძენი არქიტექტორის პროექტით აღადგინეს. ტაძარს ქრისტიანული სამყაროს ექვსი კონფესია იყოფს - ბერძნულ-მართლმადიდებლური, კათოლიკური, სომხური, კოპტური (მკვიდრი ეგვიპტელი ქრისტიანები), სირიული და ეთიოპიური.
მოამზადა ნუკრი მგელაძემ
Ambebi.ge
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
