"დღის შოუ" გადაცემაში მომხდარი ინციდენტის შემდეგ პირველ განმარტებას აკეთებს
"იმედის" გადაცემა "დღის შოუს" ეთერში რამდენიმე თვის გოგონას ყური პირდაპირ ეთერში გაუხვრიტეს. პროცესი დაახლოებით 4 წუთის განმავლობაში მიმდინარეობდა, ატირებული ჩვილი ხელში დედას ეჭირა და მის დამშვიდებას ცდილობდა, თუმცა ამაოდ. მიუხედავად ბავშვის ტირილისა, ყურის გახვრეტის პროცესი არ შეწყვეტილა. ბავშვის ისტერიკულმა ტირილმა სტუდიაში მყოფი ორი ტელეწამყვანი - სოფიკო ნარჩემაშვილი და ეკა ამირეჯიბიც კი შეაწუხა.
ფაქტს მწვავე გამოხმაურება მოჰყვა სოციალურ ქსელში. "დღის შოუს" ფეისბუქის გვერდზე გადაცემის ავტორებს აღშფოთებული ფეისბუქმომხმარებლები უწერენ კომენტარებს, აკრიტიკებენ და მათგან ბოდიშის მოხდას ითხოვენ.
AMBEBI.GE "მშობელთა კრების" პროდიუსერს ნინი კინწურაშვილს დაუკავშირდა: "ჩვენ მშობელთან შეთანხმებით და ყველა წესების დაცვით გავაკეთეთ ყველაფერი. ყურის გახვრეტის პროცედურა ყველა წესის დაცვით შევასრულეთ, როგორც ეს ხდება ნებისმიერ სალონში. ყველა პატარა ბავშვს ასე უხვრიტავენ ყურს. ხალხის აღშფოთება გამოიწვია იმან, რომ ბავშვმა იტირა და მისი დამშვიდება გახდა საჭირო. ცოტა ხანში ოფიციალურ განმარტებასაც გავაკეთებთ ამის შესახებ"
თამარ ბოჭორიშვილი
AMBEBI.GE
რას წერს დედა, რომლის 5 თვის შვილსაც "დღის შოუს" ეთერში ყური გაუხვრიტეს
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
