საპარლამენტო არჩევნებში აჭარის ხუთივე ოლქში "ქართული ოცნების" მაჟორიტარობის კანდიდატები ლიდერობენ

საქართველოს პარლამეტის არჩევნებში აჭარის ხუთივე ოლქში "ქართული ოცნების" მაჟორიტარობის კანდიდატები ლიდერობენ. ბათუმის N68-ე მაჟორიტარულ ოლქში, 25 უბნის მონაცემებით, "ქართული ოცნების" კანდიდატი ფატი ხალვაში ლიდერობს, რომელმაც 6 772 ხმა მიიღო, რაც 67.34%-ია. "ნაციონალური მოძრაობის" კანდიდატმა მირდატ ქამადაძემ კი 3 285 ხმა მიიღო, რაც 32.66%-ს უდრის. აღნიშნულ ოლქში კიდევ 16 უბნის მონაცემებია დასათვლელი.

ბათუმის N69-ე მაჟორიტარულ ოლქში, 22 უბნის მონაცემებით, "ქართული ოცნების" კანდიდატმა ლევან ბეჟანიძემ 6 093 ხმა მიიღო, რაც 68.85%-ია, ხოლო "ნაციონალური მოძრაობის" კანდიდატმა გიორგი კირთაძემ 2 757 ხმა მიიღო, რაც 31.15%-ს შეადგენს. ამ ოლქში დასათვლელია კიდევ 16 უბნის მონაცემები.

ბათუმის N70-ე მაჟორიტარულ ოლქში ცნობილია 25 უბნის მონაცემები, რომლის მიხედვითაც, "ქართული ოცნების" კანდიდატს მუხრან ვახტანგაძეს 7 336 ხმა აქვს მიღებული, რაც 71.19%-ს შეადგენს, ხოლო "ნაციონალური მოძრაობის" კანდიდატმა თეიმურაზ დუმბაძემ 2 969 ხმა მიიღო, რაც 28.81%-ს შეადგენს. აღნიშნულ ოლქში 15 უბნის მონაცემები ჯერ ისევ დასათვლელია.

ქობულეთის N71-ე მაჟორიტარულ ოლქში დათვლილია 43 უბნის მონაცემები, რომლის მიხედვითაც, "ქართული ოცნების" კანდიდატს კობა ნაკაიძეს 12 687 ხმა აქვს მიღებული, რაც 71.16%-ს შეადგენს, ხოლო "ნაციონალური მოძრაობის" კანდიდატმა ჯანსუღ ჯინჭარაძემ 5 141 ხმა მიიღო, რაც 28.84%-ია. ამ ოლქში დასათვლელია მხოლოდ 5 უბნის მონაცემები.

ხელვაჩაურის N72-ე მაჟორიტარულ ოლქში 47 უბნის მონაცემებია ცნობილი, რომლის მიხედვითაც, "ქართული ოცნების" კანდიდატი ილია ნაკაშიძე 12 227 ხმით ლიდერობს, რაც 72.06%-ია, ხოლო "ნაციონალური მოძრაობის" კანდიდატს მიშა ბოლქვაძეს 4741 ხმა აქვს, რაც 27.94%-ს შეადგენს. ამ ოლქში 3 უბნის მონაცემებია დასათვლელი.

რაც შეეხება აჭარის N73-ე ქედა-შუახევი-ხულოს ოლქს, აქ "ქართული ოცნების" მაჟორიტარმა კანდიდატმა ანზოდ ბოლქვაძემ პირველივე ტურში გაიმარჯვა.