მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ანა მიქელაძე - შემაჯამებელი ოქმების საერთო რაოდენობის 50%-ზე მეტი დამუშავებული და დათვლილია
16:44 / 30-10-2016
ამ ეტაპზე, ოპერატორების მიერ დამუშავებული და დათვლილია შემაჯამებელი ოქმების საერთო რაოდენობის 50%-ზე მეტი, სულ 1250 საარჩევნო უბნის მონაცემები, - ამის შესახებ ცესკო-ს სპიკერმა ანა მიქელაძემ ღამის 00:00 საათზე გამართულ ბრიფინგზე განაცხადა.
მისივე ინფორმაციით, ამ წუთებში მიმდინარეობს წინასწარი შედეგების ვებ- გვერდზე გამოქვეყნების პროცესი და უკვე ყველას აქვს შესაძლებლობა, პირველადი მონაცემები ორმოცდაათივე ოლქში იხილოს.
"მაჟორიტარული სისტემით ჩატარებული პარლამენტის არჩევნების მეორე ტურის კენჭისყრის პროცესი დასრულდა. ამჟამად ხმის დათვლის პროცედურები მშვიდ ვითარებაში მიმდინარეობს. ცენტრალურ საარჩევნო კომისიაში ეტაპობრივად შემოდის შემაჯამებელი ოქმები. უკვე 22:00 საათიდან ოქმები მუდმივად ქვეყნდება ცესკო-ს სპეციალურ ვებ-გვერდზე results.cec.gov.ge და ხელმისაწვდომია ყველა დაინტერესებული პირისთვის. ასევე ხორციელდება ცენტრალურ საარჩევნო კომისიაში მიმდინარე შედეგების დათვლის პროცესის ტრანსლირება ცესკო-ს ვებგვერდის, "ფეისბუქისა" და "იუთიუბის" მეშვეობით. ტრანსლირება 360 გრადუსიანი ვიდეო კამერის საშუალებით ხდება და ყველას აქვს შესაძლებლობა თვალი ადევნოს ამ პროცესს", - აღნიშნა ანა მიქელაძემ.
ვინაიდან არჩევნების მეორე ტური მაჟორიტარული საარჩევნო სისტემით ჩატარდა, ცესკო-ს სპიკერის შეფასებით, თითოეული უბნის შედეგს შესაძლოა, საბოლოო შედეგზე გადამწყვეტი მნიშვნელობა ჰქონდეს, აქედან გამომდინარე, ცენტრალური საარჩევნო კომისია საზოგადოებისთვის საინფორმაციო ბრიფინგს მაშინ გამართავს, როცა თითქმის ყველა უბნის შედეგი ყველა მაჟორიტარულ საარჩევნო ოლქში დაითვლება.
"ამ ეტაპისთვის, ოპერატორების მიერ დამუშავებული და დათვლილია შემაჯამებელი ოქმების საერთო რაოდენობის 50%-ზე მეტი, სულ 1250 საარჩევნო უბნის მონაცემები. ამ წუთებში მიმდინარეობს წინასწარი შედეგების ვებ-გვერდზე გამოქვეყნების პროცესი; უკვე ყველას აქვს შესაძლებლობა იხილოს პირველადი მონაცემები ორმოცდაათივე ოლქში. აღსანიშნავია, რომ პარალელურ რეჟიმში მიმდინარეობს ახალციხეში მერის, ხოლო ზუგდიდში, ხარაგაულსა და ბოლნისში გამგებლის რიგგარეშე არჩევნების მეორე ტურის, ასევე ლაგოდეხსა და სენაკში საკრებულოს შუალედური არჩევნების წინასწარი შედეგების გამოქვეყნების პროცესი", - აღნიშნა ანა მიქელაძემ.
მისივე ინფორმაციით, წინასწარი შედეგები მთელი ღამის განმავლობაში ონლაინ რეჟიმში მუდმივად განახლდება და ყველასათვის ხელმისაწვდომი იქნება. მედია ორგანიზაციებს ინფორმაცია პირდაპირ რეჟიმში მიეწოდებათ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
