მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"განსაკუთრებული იყავი და ამიტომ გერგო განსაკუთრებული აღსასრული..." - ნიკოლოზ რაჭველი გარდაცვლილ მეგობარს ემშვიდობება
02:43 / 30-10-2016
საქართველოს ეროვნული სიმფონიური ორკესტრის სამხატვრო ხელმძღვანელი, დირიჟორი ნიკოლოზ რაჭველი გარდაცვლილ მეგობარს ემშვიდობება. რამდენიმე დღის წინ, ახალგაზრდა ლოტბარისა და კომპოზიტორს ზვიად ბერიაშვილი გარდაცვალებამ, ქართული მუსიკალური სამყარო შეძრა. 37 წლის მუსიკოსი რამდენიმეთვიანი მძიმე ავადმყოფობის შემდეგ დაიღუპა. სწორედ მას უძღვნის ემოციურ პოსტს ნიკოლოზ რაჭველი:
"მშვიდობით ჩემო ტკბილო ადამიანო, ჩემო ძალიან ძვირფასო ზვიად... ღმერთმა გაგინათოს გზა უფრო დიდ საქართველოში და დაგიმკვიდროს სასუფეველი ღირსეულ ადამიანთა შორის!!!
ძალიან გვატკინა გული შენმა წასვლამ ურიცხვ ადამიანს, რომელთა მიმართ უხვად მოასწარი დიდი სიყვარულის მიძღვნა, განსაკუთრებული იყავი და ამიტომაც გერგო განსაკუთრებული აღსასრული. ტანჯვა, რომელიც გამოიარე კიდევ უფრო შეგიმსუბუქებს სამოთხისაკენ სავალ გზას და იქნები ნათელში უსასრულოდ! ასე მწამს, ასე მჯერა და ასე ვნატრულობ!
შენს შვილებს, შენს მეუღლეს, შენს ოჯახს კი დარწმუნებული ვარ წინ დახვდებათ შენი დათესილი სიკეთე, განსაკუთრებით ჩვენი ქვეყნის მომავალში, შენს მოწაფეებში, რომელსაც ასწავლიდი ნამდვილ მუსიკას და ადამიანობას!
შენს დედას ალბათ აღარაფერი ანუგეშებს, გარდა ღვთის რწმენისა და შენი შვილების წარმატებისა. ამიტომ განგებას ვთხოვ სასახელოები და საამაყოები გახდნენ არამხოლოდ შენი ოჯახისთვის, არამედ მთელი ჩვენი ქვეყნისთვის!!! შენ სულს ვენაცვალე ზვიად! შეხვედრამდე!!!
P.S. ჩემო ფეისბუქის მეგობრებო: 7 ნოემბერს ოპერის თეატრში ჩვენი ორკესტრის მორიგ კონცერტს ზვიად ბოლქვაძესთან, სვიმონთან, აფხაზეთის კაპელასთან, სამების გუნდთან და ყველა სოლისტთან ერთად მთელი გულით ვუძღვნით ადრეულად ჩვენგან წასული ჩვენი მეგობრის და კოლეგის ზვიად ბერიაშვილის ხსოვნას, თქვენს მიერ შეძენილი ბილეთებით კი დავეხმარებით მის დაობლებულ შვილებს, რომლებმაც ერთადერთი ბინაც კი დაკარგეს მამიკოს მკურნალობის ხარჯების გასასტუმრებლად... იმედია ყველანი დაგვიდგებით გვერდში ამ სასიკეთო საქმისთვის, სხვას ჩვენ ვერაფერს შევძლებთ ერთმანეთისთვის... დიდი მადლობა ყველას ვინც გულთან ახლოს მიიტანს ჩვენს ტკივილს..." - წერს რაჭველი.
37 წლის ზვიად ბერიაშვილს ოთხი თვის წინ სიმსივნის დიაგნოზი დაუსვეს. მეგობრების და ახლობლების ფინანსური დახმარებით მუსიკოსი თურქეთის ერთ-ერთ კლინიკაში სამკურნალოდ გაემგზავრა, თუმცა რამდენიმეთვიანმა მკურნალობამ, სამწუხაროდ შედეგი არ გამოიღო. ახალგაზრდა ლოტბარი 25 ოქტომბერს გარდაიცვალა.
იხილეთ ვიდეო: გარდაცვლილი ქართველი მომღერლის სუფრასთან შესრულებული სიმღერა და ატირებული დედა - გულისამაჩუყებელი ვიდეო
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
