ევროკავშირმა შენგენის შიდა ზონაში სასაზღვრო რეჟიმის კონტროლი გაახანგრძლივა

ევროკავშირმა შენგენის შეთანხმების შიდა ზონაში სასაზღვრო რეჟიმის კონტროლი, მიგრანტების ნაკადების გამო, სამი თვით გაახანგრძლივა. ამის შესახებ "ბი-ბი-სი" იუწყება.

გადაწყვეტილება ევროპულმა კომისიამ მიიღო, რომლის განცხადებაშიც აღნიშნულია, რომ რეჟიმი ეხება ავსტრიაში, გერმანიაში, დანიაში, შვედეთსა და ნორვეგიაში საკონტროლო გამშვებ პუნქტებს.

ევროპული კომისიის განცხადებით, ევროკავშირ-თურქეთის შეთანხმების დამსახურებით, მართალია, მიგრანტების შედინება შემცირდა, მაგრამ ადამიანები მაინც გადადიან საბერძნეთსა და სხვა ქვეყნებში. ამგვარად, სასაზღვრო კონტროლის გაუქმება გამოიწვევდა ე.წ. "მეორადი მიგრაციის" ტალღას უკვე ევროპის შიგნით - მიაჩნიათ ევროპულ კომისიაში