მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პოლიციის მაღალჩინოსანი გელა სამხარაულის წინასაარჩევნო კამპანიაში უკანონოდ მონაწილეობს
09:29 / 24-10-2016
ახმეტა-თელავის საარჩევნო ოლქში "ქართული ოცნების" მიერ წარდგენილი კანდიდატის გელა სამხარაულის წინასაარჩევნო აგიტაციაში მისი დის ქმარი, პოლიციის პოლკოვნიკი ლევან შაშიაშვილიც მონაწილეობს. იგი ქალაქ თბილისის პოლიციის დეპარტამენტის ერთ-ერთი მაღალჩინოსანია. საარჩევნო კოდექსის თანახმად, შინაგან საქმეთა სამინისტროს საჯარო მოხელეებს საარჩევნო კამპანიის პროცესში მონაწილეობა ეკრძალებათ. ამ მოთხოვნის დარღვევისათვის კანონით გათვალისწინებულია ადმინისტრაციული ჯარიმა 2000 ლარის ოდენობით.
"ქართული ოცნება - დემოკრატიული საქართველოს" მიერ ახმეტა-თელავის გაერთიანებულ ოლქში წარდგენილი მაჟორიტარობის კანდიდატი გელა სამხარაული აქტიურ წინასაარჩევნო კამპანიას აწარმოებს. პარლამენტის წევრობის კანდიდატი ინტენსიურად ხვდება საარჩევნო ოლქის ფარგლებში მცხოვრებ მოსახლეობას და თავის საარჩევნო პროგრამას აცნობს. ამ ღონისძიებებში აქტიურად არიან ჩართული ახმეტისა და თელავის მუნიციპალიტეტების ორგანოთა თანამდებობის პირები და სხვა საჯარო მოსამსახურეები, ასევე მუნიციპალური იურიდიული პირების თანამშრომლები.
კახეთის საინფორმაციო ცენტრმა გამოარკვია, რომ წინასაარჩევნო სააგიტაციო შეხვედრებში მონაწილეობს გელა სამხარაულის სიძე (დის ქმარი) ლევან შაშიაშვილიც, რომელიც პოლიციის პოლკოვნიკია და ამჟამად ქალაქ თბილისის პოლიციის დეპარტამენტში ერთ-ერთ ხელმძღვანელ თანამდებობაზე - ადმინისტრაციის სამმართველოს უფროსის მოადგილედ მუშაობს.
კერძოდ, ფაცებოოკ-ში არსებულ გვერდზე "გელა სამხარაული ახმეტისა და თელავის მაჟორიტარად", განთავსებულია ფოტო და ვიდეომასალა, საიდანაც ჩანს, რომ ლევან შაშიაშვილი მონაწილეობდა გელა სამხარაულის წინასაარჩევნო შეხვედრებში, რომლებიც 2016 წლის 5 და 6 ოქტომბერს გაიმართა პანკისის ხეობის სოფლების - შუა ხალაწნის, დუმასტურისა და წინუბნის მოსახლეობასთან.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
