მარნეულისა და ზუგდიდის მაჟორიტარულ საარჩევნო ოლქებში არჩევნების მეორე ტური გაიმართება
განმეორებითი კენჭისყრის წინასწარი მონაცემების გათვალისწინებით, მარნეულისა და ზუგდიდის მაჟორიტარულ საარჩევნო ოლქებში არჩევნების მეორე ტური გაიმართება.
როგორც ცესკო-ს სპიკერმა ანა მიქელაძემ საინფორმაციო ბრიფინგზე განაცხადა, განმეორებითი კენჭისყრის შემაჯამებელი ოქმის გათვალისწინებით, წინასწარი მონაცემების მიხედვით, მარნეულის ოლქში საუკეთესო შედეგის მქონე ორი კანდიდატია - აკმამედ იმამკულიევი 10 026 ხმით, რაც ხმების საერთო რაოდენობის 48,11%-ს შეადგენს და თამაზ ნავერიანი 9051 ხმით, რაც საერთო რაოდენობის 43.43%-ია.
რაც შეეხება ზუგდიდს, სამივე საარჩევნო უბნის განმეორებითი კენჭისყრის შემაჯამებელი ოქმის გათვალისიწინებით, წინასწარი მონაცემების მიხედვით, 66-ე ზუგდიდის მაჟორიტარულ ოლქში საუკეთესო შედეგის მქონე კანდიდატები არიან სანდრა რულოვსი 10 692 ხმით, რაც საერთო რაოდენობის 44.8%-ია და ედიშერ თოლორაია 11 607 ხმით, რაც ხმების 48.63%-ს შეადგენს.
უშუალოდ მარნეულის 48-ე საარჩევნო უბანზე განმეორებითი კენჭისყრისას, წინასწარი მონაცემებით, ხმები ასე გადანაწილდა: საარჩევნო ბლოკი "პაატა ბურჭულაძე-სახელმწიფო ხალხისათვის", ისრაფილ ბაირამოვი - 3 ხმა,
საარჩევნო ბლოკი "ნინო ბურჯანაძე-დემოკრატიული მოძრაობა", ვეფხია გურგენიშვილი - 2 ხმა, საარჩევნო ბლოკი "ერთიანი ნაციონალური მოძრაობა", აკმამედ იმამკულიევი - 381 ხმა, "თამაზ მეჭიაური ერთიანი საქართველოსთვის", ელდარ მუსტაფაევი - 4 ხმა, საარჩევნო ბლოკი "დავით თარხან-მოურავი, ირმა ინაშვილი-საქართველოს პატრიოტთა ალიანსი, გაერთიანებული ოპოზიცია", ალი ისაევი - 7 ხმა, "საქართველო", ომარ წამალაიძე - 1 ხმა, საარჩევნო ბლოკი "ჩვენები-სახალხო პარტია", თეონა ქავთარია - 0 ხმა, "ქართული ოცნება-დემოკრატიული საქართველო", თამაზ ნავერიანი - 313 ხმა.
ზუგდიდის სამ საარჩევნო უბანზე კი, განმეორებითი კენჭისყრის შედეგად წინასწარი მონაცემებით, ხმები ასე გადანაწილდა: საარჩევნო ბლოკი "პაატა ბურჭულაძე-სახელმწიფო ხალხისათვის", ბესიკ თოდუა - 8 ხმა, საარჩევნო ბლოკი "ერთიანი ნაციონალური მოძრაობა", სანდრა ელისაბედ რულოვსი - 438 ხმა,
"თამაზ მეჭიაური ერთიანი საქართველოსთვის", ჯონი ზარანდია - 5 ხმა,
საარჩევნო ბლოკი "დავით თარხან-მოურავი, ირმა ინაშვილი-საქართველოს პატრიოტთა ალიანსი, გაერთიანებული ოპოზიცია", ირაკლი ჩანგელია - 2 ხმა,
"ზვიადის გზა-უფლის სახელით", რამაზ ჩაჩიბაია - 2 ხმა, "ქართული ოცნება-დემოკრატიული საქართველო", ედიშერ თოლორაია - 981 ხმა.
ანა მიქელაძის განცხადებით, განმეორებითი კენჭისყრის წინასწარი მონაცემების გათვალისწინებით, ორივე მაჟორიტარულ საარჩევნო ოლქში არჩევნების მეორე ტური გაიმართება.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
