დედოფლისწყაროს მუნიციპალიტეტის გამგებლის, ნიკა ჯანიაშვილის ინფორმაციით, სოფელ ბოდბესთან მომხდარი ავტოსაგზაო შემთხვევის შედეგად დაშავებული 28 ადამიანი დედოფლისწყაროს საავადმყოფოშია გადაყვანილი, 7 კი - წნორში.
როგორც "ინტერპრესნიუსს" ჯანიაშვილმა განუცხადა, მათ სიცოცხლეს საფრთხე არ ემუქრება.
გამგებლის განმარტებით, წნორის საავადმყოფოში 7 პირის გადაყვანა მხოლოდ პროფილაქტიკური მიზნით მოხდა.
ნიკა ჯანიაშვილის ინფორმაციით, დედოფლისწყარო-სიღნაღი-თბილისის დამაკავშირებელ ავტომაგისტრალზე, სოფელ ბოდბეს მიმდებარე ტერირიტორიაზე, ,,კამაზის“ მარკის სამხედრო ავტომობილი ამოტრიალდა, რომლშიც ჯარისკაცები იმყოფებოდნენ. რა გახდა ავტოსაგზაო შემთხვევის მიზეზი, მისი თქმით, შესაბამისი სტრუქტურები დაადგენენ.
შემთხვევის შედეგად 1 ჯარისკაცი ადგილზე გარდაიცვალა.
წაიკითხეთ ასევე: თავდაცვის მინისტრი კახეთში მომხდარი ავარიის ადგილზე მიემგზავრება
კახეთში სამხედროებით სავსე "კამაზი" გადატრიალდა - გარდაცვლილია ჯარისკაცი
