მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩვენს ურთიერთობაში მესამე არასდროს ყოფილა" - მარიამ ხორგუაშვილი და ლაშა კალანდაძე ნახევარწლიანი დაშორების შემდეგ შერიგდნენ
11:36 / 19-10-2016
მოდელი მარიამ ხორგუაშვილი და ფეხბურთელი ლაშა კალანდაძე მას შემდეგ მოექცნენ განსაკუთრებული ყურადღების ცენტრში, რაც მათი ქორწილის ფოტოები ინტერნეტში გამოქვეყნდა. აღფრთოვანებული საზოგადოება მათ საქართველოში ყველაზე ლამაზ წყვილად აღიარებდა. თუმცა რამდენიმე თვეში მათი დაშორების შესახებაც გავრცელდა ინფორმაცია. იყო ჭორები, რომ მარიამსა და ლაშას შორის მესამე ადამიანი ჩადგა და ოჯახი ამის გამო დაენგრათ.
მარიამმა "სარკესთან" სრული გულახდილობით მოყვა, მისი და ლაშას ურთიერთობაში აღმასვლისა და დაღმასვლის პერიოდების შესახებ და იმ ჭორებსაც გასცა პასუხი, რაც ამ პოპულარული წყვილის გარშემო ტრიალებს.
- როგორ დაიწყო თქვენი და ლაშას სიყვარულის ამბავი?
- ერთმანეთი საერთო მეგობარმა გაგვაცნო. ლაშა მეც ძალიან მომეწონა. როგორც ის გამოხატავდა ჩემს მიმართ სიმპათიას, მეც ასევე გამოვხატავდი მის მიმართ. ერთობლივად გამოგვივიდა ეს ურთიერთობა. შეყვარებულები 4 წელი ვიყავით და შემდეგ დავქორწინდით. მე 19 წლის ვიყავი, ლაშა - 23-ის. სხვათაშორის, ლაშას ქორწილის გადახდა არ უნდოდა, საქორწინო მოგზაურობაში წასვლა ერჩივნა, მაგრამ მე მინდოდა ძალიან, რომ ქორწილი გადაგვეხადა და არ შემეწინააღმდეგა.
- ასეთი ლამაზი ქორწილის შემდეგ თქვენი გაშორების ამბავი ყველასთვის მოულოდნელი იყო, რა მოხდა თქვენ შორის?
- ჰო, არც ჩვენ გვეგონა, რომ ერთმანეთს დავშორდებოდით. ქორწინებიდან 9 თვეში დავშორდით, თუმცა იმას ცუდად დაშორებას ვერც დავარქმევ. მე და ლაშას შვილი გვყავს და ერთმანეთთან თითქმის ყოველდღიური შეხება გვქონდა. მაშინ ვამჯობინეთ, რომ ცალ-ცალკე ვყოფილიყავით და კონფლიქტები ერთმანეთისგან შორს მოგვეგვარებინა. აღმოჩნდა, რომ სწორი გადაწყვეტილება მივიღეთ, რადგან, დრო რომ გავიდა, მივხვდით, ყველაფერი რაზეც ვჩხუბობდით, სისულელე იყო, ამიტომაც შევრიგდით.
- რამდენ ხანში შერიგდით?
- დაახლოებით 6 თვეში. მანამდე ერთმანეთს ხშირად ვხედავდით, ლაშა ბავშვთან ყოველდღე მოდიოდა, ასეირნებდა. შერიგების ინიციატივა ლაშასგან წამოვიდა და მეც დავეთანხმე.
- ახლახან გავრცელდა ინფორმაცია, რომ ისევ დაშორდით.
- ეს აბსოლუტური სიცრუეა! რატომღაც ძალიან ელემენტარული რაღაცების გამო გადაწყვეტენ ხოლმე, რომ ერთმანეთს დავშორდით. მაგალითად, სადმე, მეგობრების წრეში, მეგობართან ერთად ფოტო თუ დავდე ან ლაშამ გოგოსთან ერთად დადო ფოტო, აუცილებლად ამბობენ, რომ დაშორებულები ვართ და რაღაცებს გვაბრალებენ.
- როცა დაშორდით, მაშინ ჭორაობდნენ, რომ თქვენს ურთიერთობაში ვიღაც მესამე იყო ჩარეული, რომ ლაშა გღალატობდათ და ა. შ.
- ჩვენს ურთიერთობაში მესამე არასდროს ყოფილა, მაშინაც კი, როცა ერთად არ ვიყავით. ხასიათებით ვერ შევეწყვეთ ერთმანეთს. მიზეზი მხოლოდ ეს იყო. ზუსტად ამაზე დავფიქრდით, რომ ასეთი ელემენტარული მიზეზის გამო ჩვენი გაშორება ძალიან დიდი სისულელე იყო.
- ახლა როგორია თქვენი ოჯახური ცხოვრება. კონფლიქტები უკან დარჩა?
- თითქოს არაფერი მომხდარა და დაშორებულებიც არ ვყოფილვართ. არც კონფლიქტები გვაქვს, ელემენტარულ კამათს თუ არ ჩავთვლით. ახლა გვაქვს ჩამოყალიბებული, შემდგარი ოჯახი და დემეტრეს გაზრდით ვართ დაკავებული.
ეკა ლემონჯავა
ჟურნალი "სარკე"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
