მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დაინიშნება თუ არა ირაკლი კობახიძე პარლამენტის თავმჯდომარედ და იგეგმება თუ არა ცვლილებები კონსტიტუციაში
07:08 / 14-10-2016
საპარლამენტო თანამდებობის განაწილებასთან დაკავშირებით კონსულტაციები ჯერჯერობით არ დაწყებულა, - ასე გამოეხმაურა პარტია "ქართული ოცნება - დემოკრატიული საქართველოს" აღმასრულებელი მდივანი ირაკლი კობახიძე მისი პარლამენტის თავმჯდომარედ შესაძლო დანიშვნასთან დაკავშირებით გავრცელებულ ინფორმაციას.
"ჯერჯერობით კონსულტაციები არ დაწყებულა ზოგადად თანამდებობის განაწილებასთან დაკავშირებით, მას შემდეგ, რაც დაიწყება კონსულტაციები ჩვენ შეგვეძლება კომენტარების გაკეთება", - განაცხადა კობახიძემ.
რაც შეეხება "თავისუფალი დემოკრატების" ყოფილ წევრებთან თანამშრომლობის შესაძლებლობის შესახებ კითხვას, ირაკლი კობახიძის თქმით, "თანამშრომლობას სხვადასხვა ადამიანთან და სხვადასხვა პოლიტიკოსთან არ გამორიცხავენ".
არსებული ინფორმაციით, პარლამენტის თავმჯდომარის პოსტზე "ქართულმა ოცნებამ" შესაძლოა ირაკლი კობახიძის კანდიდატურა განიხილოს. "ქართულ ოცნებაში" პარტიის ცალკეული წევრები, მათ შორის დეპუტატები გამოთქვამენ ვარაუდს, რომ მმართველი პარტია პარლამენტის თამჯდომარედ სწორედ კობახიძეს წარადგენს, რომელსაც საარჩევნო სიაში მესამე ადგილი უკავია და მას შემდეგ რაც, გიორგი კვირიკაშვილი და კახა კალაძე აღმასრულებელ ხელისუფლებას დაუბრუნდებიან, სიის ლიდერად რჩება.
კობახიძე ვერ აკონკრეტებს, პარლამენტში საკონსტიტუციო უმრავლესობით მოსვლის შემთხვევაში, "ქართული ოცნება" მიიღებს თუ არა საარჩევნო სისტემასთან დაკავშირებით ინიცირებულ პროექტს, რომელიც მაჟორიტარული სისტემის გაუქმებას ითვალისწინებს.
როგორც კობახიძემ სალომე ასათიანის გადაცემა "ინტერვიუში" განაცხადა, "ქართული ოცნება" კონსტიტუციის გადასინჯვის ფართო ფორმატის ჩამოყალიბებაზე საუბრობს, შეიძლება შეიქმნას ახალი ფორმატის სახელმწიფო საკონსტიტუციო კომისია და კონსტიტიციის ბევრი ნორმა მსჯელობის საგანი სწორედ ამ ფორმატში უნდა გახდეს.
"ჩვენ კოალიციაში გვქონდა ძალიან სერიოზული მსჯელობა საარჩევნო სისტემის შეცვლის საკითხთან დაკავშირებით. იყო ძალიან ბევრი მომხრე, ბევრი - მოწინააღმდეგე. მათ შორის ჩვენი პარტიის შიგნითაც გაყოფილი იყო მოსაზრებები. საბოლოო ჯამში, მაჟორიტარული სისტემის გაუქმების ან იმდაგვარი მოდიფიკაციის, რომ არსებითად პროპორციულ სისტემაზე გადავიდეთ, კონსესუსის მობილიზება ვერ მოხერხდა. კოალიციამ გააკეთა განცხადება, რომ 2016 წლის შემდგომი არჩევნებისთვის მზად ვიყავით პროპორციულ სისტემაზე გადასვლისათვის. ეს საკითხი დგას დღის წესრიგში. დღეს არა მაქვს იმის კომპეტენცია, რომ ერთმნიშვნელოვნად გავაკეთო განცხადება ამ სისტემის შემოღების თაობაზე, მაგრამ ეს აუცილებლად იქნება დღის წესრიგში. ჩვენ უკვე ვსაუბრობთ იმაზე, რომ შეიქმნას კონსტიტუციის გადასინჯვის ფართო ფორმატი, შეიძლება შეიქმნას სახელმწიფო საკონსტიტუციო კომისია ახალი ფორმატით და კონსტიტუციის ბევრი ნორმა მსჯელობის საგანი ასეთ ფორმატში უნდა გახდეს", - განაცხადა ირაკლი კობახიძემ.
"ქართული ოცნების" აღმასრულებელი მდივანი ფიქრობს, რომ 2016 წლის 8 ოქტომბრის არჩევნების პროპორციული სისტემით ჩატარების შემთხვევაში, "ქართული ოცნება" ძალიან მყარ უმრავლესობას მიიღებდა, თუმცა არა საკონსტიტუციო უმრავლესობას.
კობახიძემ აღნიშნა ისიც, რომ "თუკი თეორიულ პრიზმაში განვიხილავთ, საკონსტიტუციო უმრავლესობის ერთი პარტიის მიერ მოპოვება, რისკებთან არის დაკავშირებული".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
