ვერა ქობალიას დის ზღაპრული ქორწილი იტალიაში - ნინა ქობალია ცნობილ ჟურნალისტს გაყვა ცოლად

საქართველოს ეკონომიკის ყოფილი მინისტრი ვერა ქობალია უკვე რამდენიმე თვეა ინდონეზიაში ცხოვრობს და მუშაობს. ყოფილი მინისტრი ინდონეზიის ხელისუფლების მრჩეველია ეკონომიკური რეფორმების საკითხებში.

ცოტა ხნის წინ ქობალიების ოჯახმა ვერას უმცროსი დის, ნინა ქობალიას ქორწილი აღნიშნა.

დაათვალიერეთ ფოტოგალერეა

იხილეთ ვიდეოკადრები ქორწილიდან

29 წლის ნინა ქობალია იტალიელ ჟურნალისტს უმბერტო ბაჩის გაყვა ცოლად. უმბერტო Reuters-ში მუშაობს და უცხოეთის ამბების საკმაოდ ცნობილი რეპორტიორია. რაც შეეხება ნინას, ის წლების მანძილზე ლონდონში მოღვაწეობდა, ასევე ჟურნალისტი და მოდის ბლოგერი გახლავთ. უმცროს ქობალიას აქვს ფეშენ-ბლოგი, სახელწოდებით NONCHALANT.

ნინამ და უმბერტომ დაახლოებით სამი თვის წინ იქორწინეს იტალიის ჩრდილოეთით მდებარე ქალაქ პიაჩენცაში. ჯვრისწერისა და ხელმოწერის ცერემონია კათოლიკური წესების სრული დაცვით ჩატარდა ადგილობრივ ეკლესიაში, შემდეგ კი წყვილმა და სტუმრებმა, ძველებურ იტალიურ ვილაში გადაინაცვლეს.

როგორც ნინა თავის ბლოგში წერს, ქორწინების ცერემონია მთლიანად თავად დაგეგმა და ინსპირაცია შექსპირის "ზაფხულის ღამის სიმზრისგან" მიიღო. ნინა ქობალიას ესპანური ბრენდის, YolanCris-ის ულამაზესი საქორწინო კაბა ეცვა. პატარძლის ერთ-ერთი მეჯვარე ვერა ქობალია იყო, რომელსაც საკურთხეველთან გვერდიდან არ შორდებოდა პატარა ქალიშვილი.

ქორწილს რამდენიმე ათეული სტუმარი დაესწრო, მათ შორის წყვილის მშობლები, მეგობრები და ახლო ნათესავები.

დაათვალიერეთ მეტი ფოტო ქორწილიდან