მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
5 ყველაზე რომანტიკული ფილმი ყველა თაობის მაყურებლისთვის
07:30 / 12-10-2016
დიდი ხანია წიგნის მოყვარულებმა იციან, რომ მათთვის, ვისთვისაც რომანტიკული სიუჟეტები ყველაზე მიმზიდველი და საინტერესო წასაკითხია, ნიკოლას სპარკსის რომანები განსაკუთრებით ახლობელია. ამ ამერიკელი მწერლის ყოველი ნაწარმოები ჩვენს გონებაში ილექება - სასიამოვნო მომენტების მოგონებების, მათი ჩვენეული ანალიზისა და ფიქრების სახით. ფიქრებისა იმის შესახებ, რომ ცხოვრების ყოველი წამი უნდა დავაფასოთ, უნდა გვჯეროდეს, გვწამდეს, არასდროს ვკარგავდეთ იმედს და რაც არ უნდა დიდი დაბრკოლება შეგვხვდეს, სულიერად და მორალურად არ უნდა დავეცეთ.
ამერიკელი მწერალი ნიკოლას სპარკსი ცნობილია სიყვარულის, ტრაგედიის, ბედისწერისა და ადამიანური ურთიერთობების ამსახველი რომანებითა და ბესტსელერებით, რომლებიც მთელს მსოფლიოში 100 მილიონ ეგზემპლარადაა გაყიდული და 50 ენაზეა ნათარგმნი.
პირველი ნაწარმოები სპარკსმა 20 წლის ასაკში დაწერა. ერთი პერიოდი ფარმაცევტულ კომპანიაში მუშაობდა, თუმცა პარალელურად წერდა... 2000 წელს People Magazine-მა სპარკსი წლის ყველაზე მიმზიდველ ავტორად დაასახელა. ახლა ნიკოლას სპარკსი 51 წლისაა. მწერლის რომანების მიხედვით 11 ფილმია გადაღებული, მოყოლებული 1999 წლიდან - დღემდე.
ესენია:
1. "იჩქარე შეიყვარო" - ნიკოლას სპარკსის რომანის მიხედვით გადაღებული ცნობილი მელოდრამაა, რომელიც 2002 წელს გამოვიდა ეკრანებზე. ლამაზი ფილმი სიყვარულზე - ასე აფასებენ მას კინომოყვარულები. ფილმში ლენდორისა და ჯეიმის სიყვარულის ისტორიაა ასახული, მთავარ როლებს ასრულებენ: შეინ უესტი, მენდი მური, დერილ ჰანა და პიტერ კოიპოტი.
2. "უბის წიგნაკი" - 2004 წელს ნიკოლას სპარკსის ამავე სახელწოდების რომანის მიხედვით გადაღებული რომანტიკული დრამა, ნიკ კასავეთისის, რაიან გოლინგის, ჯინა როულენდისა და ჯეიმს გარნერის მონაწილეობით. ფილმი მოგვითხრობს მოხუცი კაცის შესახებ, რომელიც ხმამაღლა უკითხავს თავის დღიურს დაავადებულ ქალს. გაცრეცილი უბის წიგნაკიდან ამოკითხული მოხუცი კაცის სიტყვები აცოცხლებს მეორე მსოფლიო ომში დაშორებული და კვლავ შეხვედრილი წყვილის ისტორიას...
3. "ძვირფასო ჯონ" - 2010 წელს გამოვიდა ეკრანებზე. ის მომხიბვლელ სავანაზე მოგვითხრობს, რომელმაც დაუვიწყარი 2 კვირა გაატარა შინ ჩამოსულ ჯარისკაცთან. ჯარიკაცი სამსახურს უბრუნდება და სავანასთან დადებულ პირობას ქორწინების შესახებ ტეხს იმის გამო, რომ 11 სექტემბრის ტრაგედიის შემდეგ პირობა დადო, მთელი ცხოვრება ჯარისთვის მიეძღვნა. ფილმში მთავარ როლებს ასრულებენ: ჩანინგ ტატუმი, ამანდა სეიფრიდი, რიჩარდ ჯენკინსი.
4. "ჩემი საუკეთესო მხარე" - ნიკოლას სპარკსის ბესტსელერის 2014 წელს გამოსული ეს ეკრანიზაცია პირველ სიყვარულზეა. წყვილზე, რომელთაც სკოლის ასაკში მშობლების ზემოქმედებით უარი თქვეს ერთმანეთზე. ისინი ერთმანეთს 20 წლის შემდეგ ხვდებიან და ყველაფერი თავიდან იწყება. ფილმში როლებს ასახიერებენ: მიშელ მონაჰანი და ჯეიმს პოლ მარსდენი.
5. "არჩევანი" - 2016 წელს, ნიკოლას სპარკსის ამავე სახელწოდების ბესტსელერის მიხედვით გადაღებული ფილმია, რომელიც ტრევის პარკერისა და გები ჰოლანდის სიყვარულზე გვიამბობს. ფილმის პერსონაჟებს: ბენჯამინ უოკერი, ტერეზა პალმერი, მეგი გრეის და სხვები განასახიერებენ.
სპარკსის სიუჟეტის მიხედვით ტრევის პარკერი - წარმატებული ახალგაზრდა მამაკაცია. მას ყველაფერი აქვს - კარგი სამსახური, სახლი ოკეანის სანაპიროზე, საოცარი ხედი ფანჯრიდან და რაც მთავარია, ერთგული მეგობრები. თრევისის ცხოვრება ერთი დიდი ატრაქციონია: გართობა, სპორტი, თევზაობა - ის, რასაც "ნამდვილი მამაკაცები" ირჩევენ. პარკერს სიყვარულის არ სჯერა და არც ეძებს. თუმცა, გაბი ჰოლანდთან შეხვედრის შემდეგ თრევისი საკუთარ ბედისწერას ცვლის! ექსტრემალი თრევისი და საკუთარ თავში ჩაკეტილი გაბი - ბედნიერი ქორწინება და საუცხოო ოჯახი. სიყვარული. თუმცა, პარკერი არჩევანის წინაშე აღმოჩნდება! ახლა მან ბედისწერის გამოწვევას უნდა უპასუხოს! და თქვენ რას გაიღებდით სიყვარულისთვის?... ამ კითხვაზე ბესტსელერის ყველა მოყვარულს თავისი პასუხი აქვს.
"არჩევანი" ნიკოლასის ერთ-ერთი გამორჩეული ბესტსელერია და როგორც ჩანს, ასე მხოლოდ მე არ ვფიქრობ. სწორედ ამიტომ მოხვდა პალიტრა L-ის გახმაურებულ პროექტში "წლის ბესტსელერი".
New York Times: "სპარქსი ამერიკაშიც და ოკეანის მიღმაც ერთი განსაკუთრებული მიზეზით არის ცნობილი: მწერალი აღწერს ამბებს, რომელშიც უდიდესი გრძნობა - სიყვარული ვლინდება. ამ მხრივ "არჩევანი" მის ნაწარმოებთა შორისაც კი გამორჩეულია".
Washington Post Book world: "სპარქსი ტრადიციას არ ღალატობს - "არჩევანში" სიყვარულსა და ბედისწერას ისე აკავშირებს, რომ ჩვენ წინაშე მარადიული სიყვარულის ამბავი იბადება".
Bestsellersworld.comმ: "ნიკოლას სპარქსს შეუძლია, მარტივი სიუჟეტი ხელოვნების ნიმუშად აქციოს. ავტორს მკითხველი ბოლომდე გვერდით ჰყავს და თავად მოუთხრობს".
თინათინ შავლაძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
_2019-10-07_pcZAK5dDPSlBIBs.jpg)
