მნიშვნელოვანი ინფორმაცია
9
ივლისიდღის ზოგადი ასტროლოგიური პროგნოზი
ოთხშაბათი, მთვარის მეთხუთმეტე დღე დაიწყება 22:10-ზე, მთვარე თხის რქაში გადავა 12:52-ზე –
ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, ეს შესაძლოა სამომავლოდ გამოგადგებათ. იზრდება ტრავმებისა და ძლიერი ნერვული დაძაბულობის ალბათობა. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე. დღეს მოხმარებული პროდუქტები უნდა იყოს მაღალი ხარისხის და ახალი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პატრიარქი არჩევნებს ეხმაურება - "ეს გამარჯვება ერთი პარტიისა კი არ იყო, მთელი საქართველოს გამარჯვებაა"
05:46 / 09-10-2016
"ეს გამარჯვება ერთი პარტიისა კი არ იყო, მთელი საქართველოს გამარჯვებაა. ვისაც ჰგონია, რომ წაგებულია, ისიც გამარჯვებულია და ამას გილოცავთ" - ამის შესახებ სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ ყოვლადწმინდა სამების საკათედრო ტაძარში, საკვირაო წირვის დასრულების შემდეგ, ქადაგებისას ბრძანა.
უწმინდესმა მრევლს ქვეყანაში არჩევნების მშვიდობით ჩატარება მიულოცა და აღნიშნა, რომ ესეც ნაბიჯია იმისა, რომ საქართველოში სიყვარული იზრდება. "მე მინდა მოგილოცოთ მშვიდობით ჩატარებული არჩევნები, რომელიც გუშინ გაიმართა. ესეც ნიშანია, რომ იზრდება სიყვარული საქართველოში. მაგრამ მე მინდა ამავე დროს ვთქვა, რომ ეს გამარჯვება ერთი პარტიისა კი არ იყო, მთელი საქართველოს გამარჯვებაა. ვისაც ჰგონია, რომ წაგებულია, ისიც გამარჯვებულია და ამას გილოცავთ. მე მინდა ვთხოვო გამარჯვებულთა პარტიას, რომ განსაკუთრებული ყურადღება მიაქციონ იმათ და სიყვარული გამოაჩინონ იმათ მიმართ, რომელთაც ჰგონიათ, რომ წააგეს. სინამდვილეში ყველანი, მთელი საქართველო გამარჯვებულია", - ბრძანა უწმინდესმა.
პატრიარქმა არჩევნებზე საუბრის დაწყებამდე, ტაძარში სიყვარულის შესახებ იქადაგა. უწმინდესმა აღნიშნა, რომ დღეს მართლმადიდებელი ეკლესია წმინდა მოციქულის, იოანე ღვთისმეტყველის მიძინებას აღნიშნავს, რომელიც უფალს განსაკუთრებულად უყვარდა.
პატრიარქის თქმით, წმინდა მოციქული სიყვარულის შესახებ განსაკუთრებულად ქადაგებდა.
"წმინდა იოანე ღვთისმეტყველი არის მქადაგებელი სიყვარულისა. სიყვარული არის საფუძველი ადამიანის არსებობისა, ადამიანის ცხოვრებისა. წმინდა იოანე ღვთისმეტყველი გარდაცვალებამდე სიყვარულს ქადაგებდა. როდესაც მისი მოწაფეები ეკითხებოდნენ, ასე ხშირად რატომ ქადაგებდა სიყვარულზე, მან უთხრა, რომ მთელი სახარების არსი სიყვარულშია. სიყვარული არის მთავარი, რომელიც არ მთავრდება არც აქ და არც საიქიოში. ღმერთმა ინებოს, რომ სიყვარული სუფევდეს ჩვენს ქვეყანაში, ჩვენს ოჯახებში, ჩვენს გულში, მთელს მსოფლიოში", - აღნიშნა უწმინდესმა.
პატრიარქმა ტაძარში შეკრებილ მრევლს ასევე მიულოცა ივერის ღვთისმშობლის ხატის ასლის ჩამობრძანება, რომელიც 90-იან წლებში, ათონის მთიდან საქართველოში ჩამოაბრძანეს.
დღესვე პატრიარქმა მღვდელმონაზონი დავით კემულარია ოქროს ჯვრით დააჯილდოვა და იღუმენის ხარისხში აიყვანა. ტაძარში მსახურების დროს ასევე ითქვა, რომ ხუთშაბათს, 13 ოქტომბერს, 18.00 საათზე სვეტიცხოვლობის დღესასწაულთან დაკავშირებით სადღესასწაულო ლოცვას პატრიარქი სვეტიცხოვლის ტაძარში ჩაატარებს. ხოლო წირვას 14 ოქტომბერს, 10.00 საათზე მღვდელმთავრებთან ერთად სვეტიცხოვლის საკათედრო ტაძარში დაიწყებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
