სახეზე გამონაყარის გამომწვევი მიზეზები, რომელთა შესახებ არაფერი იცოდით

აქტიურად აკონტროლებთ ტკბილეულის ოდენობას რაციონში, სწორად იწმენდთ კანს, ხშირად ისვამთ მალამოებს პრობლემური კანისთვის, მაგრამ გამონაყარი მაინც გახსენებთ თავს? შესაძლოა, მისი გამომწვევი მიზეზები ამ სტატიაში აღმოაჩინოთ.

მზისგან დამცავი საშუალებები

გამონაყარის წარმოქმნას უწყობს ხელს მზისგან დამცავი საშუალებები, რომელთა შემადგენლობაშიც შედის ავობენზონი. აუცილებლად შეამოწმეთ ეტიკეტი და თუ ამ ნივთიერებას აღმოაჩენთ შემადგენლობაში, აუცილებლად გამოცვალეთ.

D ვიტამინის ნაკლებობა

როდესაც ამ სასიცოცხლოდ მნიშვნელოვანი ვიტამინის დეფიციტია ორგანიზმში, პირველ რიგში ამაზე იმუნური სისტემა რეაგირებს. და ის პატარა ბაქტერია, რომელსაც ჩვეულებრივ სიტუაციაში იმუნიტეტი დაუყოვნებლივ გაანეიტრალებდა, ცოცხალი რჩება. შედეგად, სახეზე არასასურველი წერტილები ჩნდება.

ყავა

ყავა იწვევს მჟავიანობას ორგანიზმში და შესაბამისად, ეს აისახება კანის ზედაპირზეც. ამასთან, ყავა არღვევს კუჭის მიკროფლორას, რის გამოც ჩვეულებრივი პროდუქტების მონელება რთულდება და გარდაიქმნება ტოქსიკურ ნივთიერებებად.

სმარტფონი

განსაკუთრებით მაშინ, თუ ჯიბის მაგივრად ჩანთით ატარებთ. ყოველ ჯერზე, როდესაც აგზავნით მესიჯს ან შედიხართ ინტერნეტში, ეკრანზე ყველა იმ ბაქტერიას ტოვებთ, რომელიც ხელზე გქონდათ. თუ ტელეფონი ჯიბეში გიდევთ, ეკრანი ნაჭერს ეხება და იწმინდება, ჩანთიდან კი უბრალოდ ბაქტერიებში გახვეული აპარატი ამოგაქვთ. კანის ცხიმი კი, შერეული ტონალურთან და სხვა კოსმეტიკურ საშუალებებთან, რომელიც აგრეთვე რჩება ეკრანზე საუბრის შემდეგ, იდეალური ფონია ბაქტერიების გასამრავლებლად.

კოსმეტიკური საშუალებების გამოცვლა

თუ კონკრეტული კოსმეტიკური საშუალება გაკმაყოფილებთ, ეცადეთ სულ იმავე წარმოების პროდუქტი იხმაროთ. ყოველი ცვლილება კანისთვის სტრესულია, რაზე რეაგირებაც გამონაყარის სახით ხდება.

მომზადებულია cosmopolitan.com-ს მიხედვით.