30
მაისიდღის ზოგადი ასტროლოგიური პროგნოზი
"ნაციონალური მოძრაობა" ბათუმის საარჩევნო უბნებში არსებულ სიტუაციას აჯამებს. როგორც პარტიის წევრმა პეტრე ზამბახიძემ ბრიფინგზე განაცხადა, 103-ე უბანზე, რომელზეც "ნაციონალურმა მოძრაობამ" 2014 წლის თვითმმართველობის არჩევნები მოიგო, პოლიციელები არიან მობილიზებულნი. მისი თქმით, სამართალდამცველების მობილიზაცია საარჩევნო გარემოს ძაბავს.
პეტრე ზამბახიძის თქმით, "ქართული ოცნების" წარმომადგენლები სიებით მივიდნენ საარჩევნო უბნებთან, რამდენიმე უბანზე კი "კარუსელი" დატრიალდა.
"41-ე უბანზე არიან ადამიანები, სიხარულიძე და ფედიჩკინი, რომლებიც სიებით არიან მობილიზებულნი და ადამიანებს მითითებებს აძლევენ, მოყავთ ადამიანები და აღნიშვნებს აკეთებენ სიებში. ეს ხდება უბნის შესასვლელთან. 90-ე უბანში დაფიქსირდა "კარუსელი". სამწუხაროა, რომ ხელისუფლება "კარუსელების" ტრიალზე გადავიდა. უბანში აღმოაჩინეს სამი პიროვნება უკვე გავლილი მარკირებით კიდევ ცდილობდა არჩევნებში მონაწილეობას. 6-ე უბანზე კი ისეთი ადამიანი შევიდა, რომლებსაც ორივე ხელზე ჰქონდათ მარკირება გავლილი, ანუ ორჯერ უკვე ჰქონდა ხმა მიცემული და აპირებდა მესამეჯერ ხმის მიცემას. 103-ე უბანზე, სადაც 2014 წლის თვითმმართველობის არჩევნებზე მოიგო "ნაციონალურმა მოძრაობამ", არის სრული მობილიზაცია ძალოვანი სტრუქტურების წარმომადგენლებისა. თემურ მახარაძე არის პოლიციის ერთ-ერთი განყოფილების უფროსი, თუმცა არაა ამ უბნის ამომრჩეველი, იმყოფებოდა უბანზე, ასევე, უფროსის მოადგილე მოსიძე იყო აქვე, ისინი გამოვიდნენ საარჩევნო უბნიდან და ეს კადრები გადაღებული გვაქვს ჩვენ. ეს ადამიანები არიან იმისთვის, რომ დაიძაბოს ფონი ან შეეცადონ ამომრჩეველზე იქონიონ გავლენა იმიტომ, რომ წინა არჩევნებზე ჩვენ მოვიგეთ ეს უბანი", - აღნიშნა პეტრე ზამბახიძემ.
