პირველად საქართველოს არჩევნების ისტორიაში - საარჩევნო უბანი სამხრეთ აფრიკაში

საქართველოში საპარლამენტო არჩევნები მიმდინარეობს. მოსახლეობა მე-9 მოწვევის საკანონმდებლო ორგანოს ირჩევს.

საქართველოში 3 645, ხოლო საზღვარგარეთის 40 ქვეყანაში 55 საარჩევნო უბანი მუშაობს. მათ შორისაა, საარჩევნო უბანი სამხრეთ აფრიკაში - აქ საქართველოს ისტორიაში პირველად გაიხსნა საარჩევნო უბანი.

ამის შესახებ ინფორმაციას სამხრეთ აფრიკის რესპუბლიკაში საქართველოს საელჩოს ოფიციალური გვერდი ავრცელებს: "2016 წლის 8 ოქტომბერს, საქართველოს საპარლამენტო არჩევნებში საქართველოს მოქალაქეთა მონაწილეობის უზრუნველსაყოფად, პირველად საქართველოს ისტორიაში, გაიხსნა საარჩევნო უბანი N56 სამხრეთ ნახევარსფეროში - სამხრეთ აფრიკის დედაქალაქ პრეტორიაში", - ვკითხულობთ საელჩოს ინფორმაციაში.