ამომრჩეველთა აქტივობა 10:00 საათის მდგომარეობით 8,34% შეადგენს
ამომრჩეველთა აქტივობამ 10:00 საათის მდგომარეობით ყველა საარჩევო უბანზე 8,34% შეადგინა, - ამის შესახებ ცესკო-ს სპიკერმა ანა მიქელაძემ საინფორმაციო ბრიფინგზე განაცხადა.
მისივე ინფორმაციით, რაოდენობრივად აღნიშნული მაჩვენებელი 292 957 ამომრჩეველს შეადგენს.
ანა მიქელაძის განცხადებით, ამ დროისთვის ყველა საარჩევნო უბანზე ხმის მიცემის პროცესი მშვიდ ვითარებაში მიმდინარეობს.
"შეგასხსენებთ, რომ არჩევნების პროცესს აკვირდება საარჩევნო სუბიექტების 42 092 წარმომადგენელი, 111 ადგილობრივი დამკვირვებელი ორგანიზაციის 29 931 და 55 საერთაშორისო ორგანიზაციის 1 440 დამკვირვებელი. საარჩევნო პროცესს გააშუქებს 184 მედიაორგანიზაციის 5 368 წარმომადგენელი. ჩვენ მოვუწოდებთ თითოეულ ამომრჩეველს აქტიურობისაკენ, ვინაიდან თითოეული მათგანის ხმა მნიშვნელოვანია", - განაცხადა ანა მიქელაძემ.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
