მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რაც არ უნდა გააკეთოს მთავრობამ... ქალაქს მოსახლეობამ თუ არ უპატრონა, არაფერი გამოვა!" - ვანდალიზმი "ახალ ტიფლისში"
09:59 / 03-10-2016
დავით აღმაშენებლის გამზირზე პროექტ "ახალი ტიფლისის" ფარგლებში სარეკონსტრუქციო სამუშაოები ჩატარდა. გამზირი პროექტის ფარგლებში ახალ რეკრეაციულ ზონად გადაკეთდა.
მოწესრიგებული და გალამაზებული ფასადის მიღმა განახლებულ გამზირზე "ბნელი მხარეებიც" აღმოჩნდა. საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმის დირექტორი გიორგი კალანდია ფეისბუქის პირად გვერდზე ვრცელ პოსტს და რამდენიმე ფოტოს აქვეყნებს, რომელზეც მოქალაქეების ვანდალიზმის ფაქტებია ასახული:
"დღეს კიდევ ერთხელ გავიარე ჩემთვის საყვარელ აღმაშენებლის პროსპექტზე და კიდევ ერთხელ მივხვდი, რომ რაც არ უნდა გააკეთოს მთავრობამ, მერიამ, სპონსორმა თუ უცხოელმა ინვესტორმა, ქალაქს თავად მოსახლეობამ თუ არ უპატრონა, არასოდეს არაფერი გამოვა! შთაბეჭდილებებს ფოტოფაქტებით გაგიზიარებთ.
დაათვალიერეთ ფოტოგალერეა
1-2 ფოტო: 1912 წლის შენობა, საუცხოო არქიტექტურა, აღმაშენებლის პირველი რეაბილიტაციის დროს გაკეთდა. სამაგიეროდ, მესამე სართულზე მაცხოვრებელი მივიდა და მთავარ ფასადზე კედელი გამოამტვრია და გასათბობი მილი ჩაამონტაჟა, სულ ფეხებზე დაიკიდა შენობის ისტორიული ფასადიც და ლამაზი კარნიზის მომტვრევის საკითხიც!
მე-3 და მე- 4 ფოტო: რკინიგზელთა სასწავლებელი, ისიც აღმაშენებლის პირველი რეაბილიტაციის დროს გაკეთდა, როგორც ვხვდები ეკუთვნის რკინიგზას, შენობაში განთავსებულია "თიბისი ბანკი" და "იოლი", ქარმა ჟოლობი მოშალა და აგერ უკვე ნახევარი წელია ამ ძვირფასი შენობის კუთხე ლპება! არადა სულ 100 ლარია საჭირო ამ საქმისთვის, სამაგიეროდ რომ გაფუჭდება და ნგრევას დაიწყებს მერე ფრიად ძვირი დაჯდება! გასტრონომ "იოლის" შესასვლელია, თუმცა ამ მდიდარი ორგანიზაციის მფლობელს ეს საკითხი არ ადარდებს!
მე-5,მე-6 და მე-7 ფოტო: ჩემი საყვარელი შენობა აღმაშენებელზე, კომპოზიტორთა სახლი, ზუსტად ერთი წელია ვიღაცამ შენობის მთავარ ფასადზე ჟოლობებს ორივე ძირი გამოაცალა და ზუსტად ერთი წელია ამ უნიკალურ ფასადს ზამთარ ზაფხულ სახურავიდან ჩამოსული წყალი ესხმება, ბოძებმა და ფასადმა უკვე დაშლა დაიწყო. შენობა გაქირავებულია- ღამის ბარი და რესტორანია აქ, ამიტომ ვერ ვხვდები რა გაუხდა შენობის მეპატრონეს ამ ჟოლობების შეკეთება!?
ცალკე თემაა მე-8-9 და მე-10 ფოტოები: არ შეიძლება ქალაქის ერთ-ერთ მთავარ პროსპექტზე წერო და ატყლეპო შენობებს ყველაფერი რაც შენ მოგესურვება, უნდა არსებობდეს აბრების განთავსების ერთიანი სისტემა, გული მეტკინა იმაზე რომ ეს პროცესი დაწყებულია ახლად რეაბილიტირებული პროსპექტის მონაკვეთზეც, სულ ბოლო ფოტოც ახლად რეაბილტირებული პროსპექტიდანაა: მთავრობამ და მერიამ გაუპრიალა გაუზიზინა სახლი ბინადარს, ის კი მივიდა და ზედ ფანჯარაზე მზისგან საჩრდილობლად ბრეზენტის მსგავსი ძონძი დაკიდა!
აი, ამას უყურებს ასობით ტურისტი თუ ადგილობრივი მაცხოვრებელი, ამას ვერც გაჭირვებით და ვერც უფინანსობით ავხსნი, ეს უბრალოდ უკულტურობაა! დასკვნის სახით ვიტყვი რომ არ შეიძლება ქალაქს მხოლოდ მერია და მთავრობა პატრონობდეს, იგივე უნდა გააკეთოს მოსახლემ და შენობის მფლობელმა, წინააღმდეგ შემთხვევაში, ვერცერთი მთავრობა, ვერასდროს ვერ მისცემს ქალაქს სათანადო იერსახეს, დღეს დავდიოდი უმშვენიერს ახალ ტფილისში და ვფიქრობდი:- რა გამოვა თუ ამ ულამაზეს ქოთნებს, ყვავილებს, ფასადებს, ლამპიონებს მოსახლეობამ არ მიხედა!? ეს იქნება დიდი გულისტკივილი, ამიტომ მერიას ვთხოვ დააწესოს უმკაცრესი რეგულაციები ასეთ თემებზე, განსაკუთრებით ახლადრეაბილიტირებულ უბნებში, მოსახლეობამ უნდა ისწავლოს ქალაქის მოვლა. ჟურნალისტებმა და სამოქალაქო აქტივისტებმა კი ამ თემებს მეტი ყურადღება უნდა დაუთმონ, არ შეიძლება ყველაფერს ხელისუფლებას სთხოვდე! სიტყვა გამიგრძელდა მაგრამ სრულად მინდოდა მეთქვა სათქმელი!" - წერს კალანდია პირად გვერდზე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
