მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რუსთავი 2"-მა კვლევა გააყალბა? - შალვა რამიშვილის მტკიცებით, GFK-ის კვლევის რეალური შედეგები განსხვავებულია
04:13 / 03-10-2016
შალვა რამიშვილის მტკიცებით, GFK-ის კვლევის რეალური შედეგებით, "ქართულ ოცნებას" 25.4%, ხოლო "ნაცმოძრაობას"- 12.5%-აქვს "თავისუფალი ზონის" ყოფილმა წევრმა ბესო კალაძემ ჟურნალისტ შალვა რამიშვილთან ერთად მის ხელთ არსებული კვლევის მონაცემები გამოაქვეყნა.
როგორც კალაძემ ჟურნალისტებს განუცხადა, ეს მონაცემები GFK-ის კვლევის რეალურ შედეგებს ასახავს, რომელიც "რუსთავი 2-მა" დაუკვეთა. რამიშვილი და კალაძე აღნიშნავენ, რომ კალაძეს კვლევის გამოქვეყნებამდე (1 ოქტომბერი) რამდენიმე დღით ადრე ჰქონდა როგორც რეალური შედეგები, ასევე ის "გაყალბებული" მონაცემები, რომელსაც "რუსთავი 2" გამოაქვეყნებდა. აღნიშნული მონაცემები 2 დოკუმენტის სახით (გაყალბებული და რეალური) კალაძეს ნოტარიუსთან ჰქონდა შენახული, რომელიც რამდენიმე წუთის წინ გაასაჯაროვა.
რამიშვილის თქმით, კალაძის ხელთ არსებული "გაყალბებული" მონაცემები და "რუსთავი 2-ის" მიერ გამოქვეყნებული შედეგები ერთმანეთს ემთხვევა. მისივე თქმით, GFK-ის კვლევის რეალური შედეგები აჩვენებს, რომ "ქართულ ოცნებას" 25.4%-იანი, ხოლო "ნაციონალურ მოძრაობას" 12.5%-იანი მხარდაჭერა აქვს. საუბარია იმ ამომრჩეველზე ვინც არჩევნებში მონაწილეობას აპირებს.
კალაძე აცხადებს, რომ იმ პირის ვინაობას, ვინც ეს მონაცემები მიაწოდა, ვერ დაასახელებს.
GFK-ის კვლევის თანახმად, პირდაპირი წესით გამოკითხვის შედეგებით, 8 ოქტომბრის საპარლამენტო არჩევნებში "ნაციონალურ მოძრაობას" ხმას გამოკითხულთა 26% მისცემდა, "ქართულ ოცნებას" კი 25.4%. აღნიშნული კვლევის შედეგები ტელეკომპანია "რუსთავი 2"-მა 1-ელ ოქტომბერს გაავრცელა. რაც შეეხება სხვა პარტიებს, გამოკითხულთა 3.8% ხმას "ლეიბორისტულ პარტიას", 3.6% "თავისუფალ დემოკრატებს", 2.6% მოძრაობა "პაატა ბურჭულაძე - სახელმწიფო ხალხისთვის", 1.5% "დემოკრატიულ მოძრაობას", 1,5% "პატრიოტთა ალიანსი - გაერთიანებულ ოპოზიციას", 0.4% კი "რესპუბლიკურ პარტიას " მისცემდა.
პირდაპირი წესით გამოკითხვის შედეგების თანახმად, მხოლოდ თბილისში 8 ოქტომბრის საპარლამენტო არჩევნებში "ნაციონალურ მოძრაობას" ხმას 24.4%, "ქართულ ოცნებას" კი 23.3% მისცემდა. რაც შეეხება რეგიონებს აქ "ნაციონალურ მოძრაობას" ხმას 26.5%, "ქართულ ოცნებას" კი 26.2% მისცემდა.
წინასაარჩევნოდ საზოგადოებრივი აზრის გამოკითხვა, ტელეკომპანია "რუსთავი 2"-ის დაკვეთით, კომპანია GFK-მ, 2016 წლის 12-25 სექტემბერის პერიოდში საქართველოს მასშტაბით ჩატარდა. პირდაპირი გამოკითხვის გზით გამოიკითხა 2200 სრულწლოვანი მოქალაქე, რომელსაც ხმის მიცემის უფლება გააჩნია. შესაძლო ცდომილება +/–2.1%-ია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
