მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"შეიქმნა ფინანსური პრობლემები..."- რას აცხადებენ ბურჭულაძის პარტიაში ოფისის ქირის ვალთან დაკავშირებით
10:57 / 02-10-2016
პარტიის წინააღმდეგ განხორციელებული ზეწოლისა და ფინანსური წყაროების გადაკეტვის შემდეგ შეიქმნა ფინანსური პრობლემები, შესაბამისად, ვეღარ მოხდა თანხების მობილიზება და ქირის გადახდა, - ამის შესახებ "ინტერპრესნიუსს" პლატფორმაში "პაატა ბურჭულაძე სახელმწიფო ხალხისთვის" განუცხადეს.
როგორც პარტიაში აცხადებენ, დავალიანებას პოლიტიკური გაერთიანება გადაიხდის. "მივიღეთ გადაწყვეტილება ოფისის დატოვების შესახებ, რათა არ მომხდარიყო დავალიანების გაზრდა. დავალიანებას პლატფორმა გადაიხდის", -აცხადებენ პარტიაში. "პაატა ბურჭულაძე სახელმწიფო ხალხისთვის" მუშაობას რუსთაველის გამზირზე #24-ში გააგრძელებს.
პაატა ბურჭულაძის პარტიას "სახელმწიფო ხალხისთვის" პარტიის ცენტრალური ოფისის ქირის გადაუხდელობაში ადანაშაულებენ. AMBEBI.GE-ს ინფორმაციით, ცოტა ხნის წინ ცნობილი გახდა, რომ პარტიის წევრებს ნაქირავები ცენტრალური ოფისის დატოვება მოუხდათ, რადგან მეპატრონისთვის რამდენიმე თვის ქირა არ გადაუხდიათ. ცენტრალური ოფისისთვის 2-სართულიანი ფართი, რომელიც აღმაშენებლის გამზირზე მდებარეობს, ბურჭულაძის პარტიას კომპანია "რეალ ინვესტისგან" ჰქონდა დაქირავებული და ქირაში ყოველთვიურად 27 000 დოლარს იხდიდა.
როგორც კომპანიის ხელმძღვანელმა უშანგი ბუჩუკურმა განაცხადა, პაატა ბურჭულაძემ მისგან ფართი რამდენიმე თვის წინ იქირავა.
"გადახდასთან დაკავშირებით, აქამდეც ჰქონდათ ხარვეზები, მაგრამ ამას ურთიერთშეთანხმებით ვარეგულირებდით. შეთანხმება გვქონდა ასეთი - ყოველი თვის 10 რიცხვში უნდა გადაეხადათ ქირა 27 000 დოლარის ექვივალენტი ლარში. მათ ორი სართული აქვთ დაქირავებული და მათი დავალიანება 54 000 დოლარია. აგვისტოს და სექტემბრის თანხა არ გადაუხდიათ.
თავად ბატონ პაატას არ შევხვედრივარ. შაბათს შევხვდი გიორგი თურქიას, რომელიც ბურჭულაძის პარტიაში ამ საკითხებს არეგულირებს. ორშაბათს უნდა გადაეხადათ თანხა.
ვუთხარი სანამ დავალიანებას არ დაფარავთ ოფისში არ შეგიშვებთ და დაცვის ბიჭებთან გართულებებს ადგილი არ ჰქონდესთქო. მითხრა აგვისტოს თვის ქირას მაინც გადაგიხდითო და ასე დავშორდით.
როცა წამოვედი შეხვედრიდან, ოფისიდან დაიწყეს ნივთების ჩუმად გატანა. დილით მანქანები რომ მიიყვანეს, დაცვამ დამირეკა და მივედი. ერთი მანქანა ახლაც ეზოში დგას დატვირთული, მეორე კი დავაცლევინე პარტიის წევრებს და ოფისში ავატანინე ნივთები. მათ არც უთქვამთ შეხვედრაზე ოფისიდან წასვლას რომ აპირებდნენ და გაპარვა გადაწყვიტეს. გაიტანეს სავარძლები, მაგიდები და ყველაფერი. მათ თვალწინ დავლუქე დღეს ოფისი. თუ არ გადაიხდის ჩემს კუთვნილ თანხას პაატა ბურჭულაძის პარტია ვუჩივლებ, ჩვენ ყველა დეტალი გაწერილი გვაქვს ხელშეკრულებაში", - განაცხადა უშანგი ბუჩუკურმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
