40-წლიანი უწყლობის შემდეგ სოფელ უდაბნოს მოსახლეობა 24-საათიანი წყალმომარაგებით ისარგებლებს
სოფელ უდაბნოში წყალმომარაგების სისტემის მშენებლობა დასრულდა. რეგიონული განვითარებისა და ინფრასტრუქტურის სამინისტროს პრესსამსახურის ინფორმაციით, 40-წლიანი უწყლობის შემდეგ უდაბნოს მოსახლეობა 24 საათიანი, უწყვეტი, ხარისხიანი წყალმომარაგებით ისარგებლებს. პროექტის გახსნას საქართველოს რეგიონული განვითარებისა და ინფრასტრუქტურის მინისტრი ნოდარ ჯავახიშვილი, გაერთიანებული წყალმომარაგების კომპანიის დირექტორი გიორგი კობერიძე და ადგილობრივი ხელისუფლების წარმომადგენლები დაესწრნენ.
მინისტრმა ნოდარ ჯავახიშვილმა ადგილობრივი თვითმართველობებისა და გაერთიანებული წყალმომარაგების კომპანიის წარმომადგენლებთან ერთად,ახლად აშენებული ობიექტები დაათვალიერა და უდაბნოს მოსახლეობას პროექტის დასრულება მიულოცა. სტუმრებმა, მოსახლეობასთან ერთად სიმბოლურად დააგემოვნეს სასმელი წყალი. ღონისძიება კონცერტით დასრულდა, რომელშიც ადგილობრივი ფოლკოლრული ანსამბლების მონაწილეობდნენ.
უდაბნოს ცენტრალიზებული წყალმომარაგება არასდროს ჰქონია და მოსახლეობას კილომეტრების გავლა უწევდა სასმელი წყლის მოსამარაგებლად. პროექტის განხორციელების შედეგად, უდაბნოში წლების განმავლობაში არსებული პრობლემა საბოლოოდ მოგვარდა და 1000-ზე მეტი ადგილობრივი მაცხოვრებელი უწყვეტი, სტაბილური წყალმომარაგებით ისარგებლებს.
ინფრასტრუქტურული სამუშაოები საქართველოს მთავრობის დაფინანსებით განხორციელდა და მისმა ღირებულებამ 4 მილიონ ლარზე მეტი შეადგინა.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
