20
ივნისიდღის ზოგადი ასტროლოგიური პროგნოზი
ნახევარ მილიონზე მეტმა ახალგაზრდამ იაპონიაში საზოგადოებისგან მოშორებით, იზოლირებული ცხოვრება არჩია. ამ ფენომენს "ჰიკიმორი" ქვია და მას იაპონიის ჯანმრთელობის, შრომის და კეთილდღეობის სამინისტრო იმ ადამიანებს უწოდებს, ვინც სახლში ექვსი ან მეტი თვე რჩება და არც სკოლაში და არც სამსახურში არ გადის სოციალიზაციის თავიდან ასარიდებლად.
კვლევამ ცხადყო, რომ 15-დან 39 წლამდე ასაკის 541 000 ადამიანი იზოლაციაში ცხოვრობს. აქედან ადამიანები, რომლებიც შვიდი წლის მანძილზე გამოიკეტნენ სახლში, 35 პროცენტს შეადგენს. თუმცა ზუსტი სურათი იმის დასადგენად, თუ ვინ იტანჯება ჰიკიმორით, რთულია, ამ ფენომენის ბუნებიდან გამომდინარე.
პირველად მსგავსი მასობრივი ქცევა 90-იან წლებში დაფიქსირდა. ჯერჯერობით არ არსებობს ჰიკიმორის მკურნალობის გზა. ექიმებს სჯერათ, რომ ფსიქოლოგიური და კულტურული გავლენა აიძულებს ახალგაზრდებს, რომ სრულ განმარტოებაში იცხოვრონ. ეს მდგომარეობა უფრო მეტად კაცებშია გავრცელებული, რომლებიც დიდ წნეხს განიცდიან ყოველდღიურად, როგორც სკოლაში, ისე სამსახურში.
ყველაზე მეტად ჰიკიმორი თავს საშუალო ფენაში იჩენს. ისინი, ვინც იზოლაციაში იქცევენ თავს, ძირითადად, განათლებული ადამიანები არიან. ისინი ვიდეოთამაშებს თამაშობენ და კომიქსებს კითხულობენ სხვებთან ინტერაქციის მაგივრად. იაპონელი ფსიქოლოგი ტამაკი საიტო გონებრივ ჭიდილს უწოდებს ამ მდგომარეობას: "მათ სურთ სამყაროში გამოსვლა, სურთ მეგობრების და შეყვარებულების გაჩენა, მაგრამ არ შეუძლიათ".
ეს ფენომენი მხოლოდ იაპონიაში არ ფიქსირდება. ერთ-ერთი კვლევის თანახმად, 2015 წელს ჰიკიმორის მსგავსი სოციალური იზოლაცია ამერიკაში, ჩინეთში და ესპანეთშიც დაფიქსირდა.
მომზადებულია businessinsider.com-ს მიხედვით.
