მნიშვნელოვანი ინფორმაცია
16
მარტიდღის ზოგადი ასტროლოგიური პროგნოზი
მთვარის მეთვრამეტე დღე დაიწყება 22:24-ზე, მთვარე სასწორშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ფილარმონიასთან გია ჭირაქაძის ვარსკვლავი გაიხსნა
14:39 / 21-09-2016
ფილარმონიის წინ ანსამბლ "ქართული ხმების" წევრის და დამსახურებული სახალხო არტისტის გია ჭირაქაძის ვარსკვლავი გაიხსნა. ცერემონიას საქართველოს ყოფილი პრემიერ-მინისტრი ბიძინა ივანიშვილი ესწრებოდა, რომელმაც გია ჭირაქაძეს იუბილე მიულოცა.
"მინდა საყვარელ გიას მივულოცო. მასთან ვმეგობრობ დიდი ხანია. გარდა იმისა, რომ ის არის ძალიან მაგარი მუსიკოსი, ის გახლავთ ჩემი მეგობარი და მასწავლებელი. ვულოცავ და ვუსურვებ კიდევ დიდხანს გაეხარებინოს ქართველი მსმენელები და მაყურებლები", - განაცხადა ბიძინა ივანიშვილმა.
გია ჭირაქაძის თქმით, ეს დღე მისთვის დაუვიწყარია და მან შეკრებილ მსმენელს მხარდაჭერისა და მოლოცვისთვის მადლობა გადაუხადა. "ეს დღე რა თქმა უნდა, ჩემთვის ძალიან მნიშვნელოვანია. ადამიანისთვის ყველაზე დიდი მნიშვნელობა აქვს სხვის სიყვარულს და იმას, როცა საზოგადოებისგან დიდ სიყვარულს გრძნობ. მინდა ყველას მადლობა გადავუხადო ჩემი დაფასებისთვის", - განაცხადა გია ჭირაქაძემ.
კულტურის პალატის ხელმძღვანელის, დავით ოქიტაშვილის განცხადებით, დღევანდელი საიუბილეო კონცერტი და ვარსკვლავის გახსნა ადამიანების დაფასებას ემსახურებოდა. მისი თქმით, ფილარმონიის მიმდებარე ტერიტორიაზე ვარსკვლავებისთვის ახალი მოედანი გაიხსნა, სადაც პირველი გია ჭირაქაძის ვარსკვლავია.
"დღევანდელი კონცერტი ემსახურებოდა ადამიანების დაფასებას. ყოველთვის ვამბობ და გავიმეორებ, რომ არანაირი ვარსკვლავი არ შეედრება იმ გრძნობას, როდესაც ხალხს უყვარხარ. დღეს სწორედ ეს ხდებოდა ფილარმონიის დიდ საკონცერტო დარბაზში. ეს არის პირველი ვარსკვლავი, რომელიც ფილარმონიის ახალ ვარსკვლავთმოედანზე გაიხსნა", - აღნიშნა ოქიტაშვილმა.
ფილარმონიაში გამართულ ღონისძიებას პოლიტიკოსები და სხვადასხვა სფეროს ცნობილი სახეები ესწრებოდნენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
