მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გიხაროდენ", "ჩემი საქართველო აქ არის" ანუ პოლიტიკური პარტიების ჰიმნები და მათი გავლენა ამომრჩეველზე
01:00 / 22-09-2016
საქართველოში ყველაფრის ნაკლებობაზე შეგვიძლია ვიწუწუნოთ, გარდა არჩევნებისა, რადგან იმდენად ხშირად გვაქვს, ბევრ სხვა ქვეყანასაც გავუზიარებთ.
არჩევნებთან ერთად ქართულ მუსიკალურ სივრცეს ახალი სიმღერები ან უკვე ცნობილი სიმღერების ახალი ვარიაციები ემატება ხოლმე, რომელსაც ესა თუ ის პოლიტიკური პარტია უკვეთავს წინასაარჩევნოდ. იყო დრო, როცა გვეუბნებოდნენ - "გიხაროდენ" ქვეყანა შენდებაო, თუმცა, იმავე პერიოდში სხვები ამტკიცებდნენ, რომ "ქვეყანაში მუქი ფერები" იყო. გავა წლები, გვექნება რევოლუციის ჰიმნი და "ახალ დღეს, ახალ მზეს გაშლილი ხელებით შევხვდებით". მალევე გავიგებთ, რომ ქვეყნის პირველი პირი "მაგარია", განურჩევლად ამინდისა, ჩვენი განწყობისა თუ ქვეყანაში არსებული ვითარებისა. კიდევ რამდენიმე წლის შემდეგ, კიდევ ერთხელ დაგვარწმუნებენ, რომ "ჩემი საქართველო აქ არის"...
მოკლედ, წინსაარჩევნოდ პარტიები პენსიის ზრდაზე ზრუნვასთან ერთად, ჩვენს მუსიკალურ გემოვნებაზეც ზრუნავენ (სამწუხაროდ, მხოლოდ მეორეს ასრულებენ, ისიც საკითხავია, როგორ...)
რა გავლენას ახდენს მუსიკალური კლიპები ამომრჩეველზე? რა მიზნით იქმნება ისინი? - ამ და სხვა კითხვებზე პასუხი პოლიტიკური ტექნოლოგიების სპეციალისტს, კახა მაღრაძეს ვთხოვეთ:
- სარეკლამო კლიპების ერთ-ერთი მთავარი მიზანია ამომრჩევლის ინფორმირება, პოლიტიკური პარტიის პოზიციის ხაზგასმა და სხვა. წინასაარჩევნო კამპანიის დროს ერთგვარი საკომუნიკაციო ინსტრუმენტია. რაც შეეხება მუსიკალურ კლიპებს უფრო საიმიჯოა, სადაც ხდება საკუთარი თავის, პერსონის ან პარტიის წარმოჩინება. ჩვენს რეალობაში თითქმის ყველა არჩევნების წინ ხდება მსგავსი ტიპის კლიპების გადაღება. ერთ-ერთი პირველი იყო "მოქალაქეთა კავშირის" "გიხაროდენ", ძალიან საინტერესო კლიპი ჰქონდათ "ბურჯანაძე-დემოკრატებს", "ახალი მემარჯვენეებისთვის" სიმღერა ჩაწერა "უცნობმა", რომელმაც მანამდე "ედპ"-სთვის იმღერა "ქვეყანაშია ფერები მუქი". ეს უკანასკნელი, წინსაარჩევნო სიმღერებიდან ერთ-ერთი ყველაზე პოპულარული იყო.
"ნაციონალურ მოძრაობას" ჰქონდა: "მიშა მაგარია", "გამარჯობა აფხაზეთო შენი" და სხვა. საერთოდაც, მმართველობის ბოლო პერიოდში, "ნაციონალური მოძრაობა" თითქმის ყველაფერზე მუსიკალურ კლიპებს იღებდა.
- არსებული კლიპებიდან, რომელმა იმუშავა ყველაზე უკეთ?
- მანდ ბევრი ფაქტორის ანალიზი უნდა მოხდეს რომ შეაფასო. ასე ხელაღებით რამის თქმა რთულია. საქართველოში ასეთი ტენდენციაა, რომ შენს ამომრჩეველს მოსწონს შენს მიერ გაკეთებული აბსოლუტურად ყველაფერი, ხოლო შენს ოპოზიციას არასოდეს არაფერი არ მოსწონს. მაგალითად, "ქართული ოცნების" ბოლო კლიპი - "ჩემი საქართველო აქ არის", მეორე დღესვე გააშარჟეს "ვანოს შოუში" (სხვათა შორის, მგონი ამ გაშარჟებულს უფრო მეტი ნახვა აქვს).
- როდესაც პარტია უკვეთავს კლიპს, რაზე ხდება ხაზგასმა, რის ჩვენებას ითხოვენ კლიპში?
- გააჩნია პოლიტიკურ დამკვეთს, მმართველი პარტია ცდილობს იმის ჩვენებას, რომ ყველაფერი კარგადაა, ქვეყანა ვითარდება და სხვა. (რაც იყო "გიხაროდენ", "მიშა მაგარია", "ჩემი საქართველო აქ არის") ხოლო ოპოზიცია ცდილობს პრობლემა წარმოაჩინოს, მაგალითად, რაც იყო უცნობის - "ქვეყანაშია ფერები მუქი". ასეთი კლიპები პოლიტიკური ორგანიზაციის პოზიციონერობას გამოხატავს, კლიპში არჩეულია ის აქცენტები რასაც ადამიანი იოლად აღიქვამს და დაიმახსოვრებს. ასეთ კლიპებში არაა სტანდარტული - ჩვენ თუ აგვირჩევთ, ამას ვიზამთ და იმას ვიზამთ, როგორც წესი უფრო ემოციებზეა გათვლილი.
- მომღერალი, რომელიც ამა თუ იმ კლიპში მღერის, შეიძლება თუ არა ამ პარტიის მხარდამჭერად ჩავთვალოთ?
- მსოფლიოში, არაერთი ხელოვნების ნიმუში შექმნილა დაკვეთით, თუმცა ეს არ ნიშანვდა იმას, რომ ხელოვანი ამ დამკვეთის მხარდამჭერი იყო, უბრალოდ ჩვენთან არის სტერეოტიპი, რომ თუ შენთვის მღერის, ესე იგი შენ გიჭერს მხარს. საინტერესოა რომ თვითონ პოლიტიკური პარტიებიც ასე უდგებიან საკითხს, მაგრამ ეს არაა სწორი მიდგომა.
ლადო გოგოლაძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
