მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ის გენიალური პერსონაჟია" - რაში "დაიჭირა" სააკაშვილის ხასიათი ნოდარ სიმსივემ, რომელიც ხაინდრავამ ქალის როლით აღმოაჩინა
02:33 / 21-09-2016
ნოდარ სიმსივე გოგა ხაინდრავას სერიალში "ჰეროკრატია", ექს-პრეზიდენტ მიხეილ სააკაშვილს განასახიერებს. პროფესიით მსახიობია, თუმცა ჯერჯერობით საზოგადოების დიდი ნაწილი არ იცნობს. მსახიობობის პარალელურად 29 წლის სიმსივე "თბილისის ლოკომოტივის" პრესსამსახურის ხელმძღვანელია. როგორ დაამტკიცეს ექს-პრეზიდენტის როლზე, ამის შესახებ მსახიობი AMBEBI.GE-ს მკითხველს თავად უამბობს:
- თეატრალურ უნივერსიტეტში დავით ანდღულაძის ჯგუფი დავამთავრე, პროფესიით მსახიობი ვარ. სიმბოლურია, სწორედ იმ წელს ჩავაბარე თეატრალურ უნივერსიტეტში, როდესაც ჩემმა პერსონაჟმა, მიხეილ სააკაშვილმა უმაღლეს რანგში დაიწყო მოღვაწეობა. ისევე როგორც სხვები, მაშინ მეც ამ ახალგაზრდა ჯგუფის გულშემატკივარი ვიყავი, სანამ ძალაუფლებით ტკბობაში გადავიდოდნენ.
- როგორ მოხვდით გოგა ხაინდრავას ფილმში?
- ამ ფილმში მოხვედრა ჩემი პედაგოგის, დავით ანდღულაძის დამსახურებაა, მისი სკოლა რომ არ გამევლო, ამ როლს ვერ შევეჭიდებოდი. ბატონმა გოგა ხაინდრავამ და მისმა მეუღლემ, ბერტოლტ ბრეხტის "სამგროშიან ოპერაში" მნახეს, სადაც ქალს ვთამაშობ და ამის შემდეგ დამიბარეს კასტინგზე.
როდესაც შევედი გადასაღებ მოედანზე, ბატონმა გოგამ პირდაპირ მითხრა, მიშა ხარო. მანამდე ამას ვერც წარმოვიდგენდი, გოგა ხაინდრავას აქვს ის ხედვა, რომელიც მსახიობს სჭირდება. ასე მოვხვდი საოცრებათა ქვეყანაში, სახელად "ლეხაინდრაო". აქ საოცარი გარემოა, პროფესიონალები მუშაობენ. პიჯაკი, რომელიც ფილმში მაცვია სააკაშვილის დატოვებული მგონია. სერიალის რეჟისორი გაძლევს დავალებას და ფსიქოლოგიურად გამზადებს თამაშისთვის. კარგად გამომდის ეს თუ ცუდად, ამას მაყურებელი გადაწყვეტს, მაგრამ ნამდვილად არ მინდა სექტანტურად შემაფასონ.
- რას გულისხმობთ სექტანტურ შეფასებებში?
- ჩვენ ვცხოვრობთ სექტანტურ გარემოში, სადაც პოლიტიკური შეხედულებების მიხედვით აფასებენ ადამიანებს. როდესაც მიხეილ სააკაშვილის როლზე დამამტკიცეს, სიხარულისგან ცაში ავფრინდი, როგორც კი მიწაზე დავდგი ფეხი, უკვე მზად ვიყავი ასეთი შეფასებებისთვის. ბედნიერ ვარსკვლავზე დაბადებული ადამიანი ვარ, ამ როლზე რომ დამამტკიცეს. მიშას როგორც პოლიტიკოსს არ შევაფასებ, მაგრამ ჩემთვის ის გენიალური პერსონაჟია.
- გაგიჭირდათ მისი მანერების ათვისება?
- სიამოვნებით ვუყურებ მის სატელევიზიო გამოსვლებს, როცა როლზე დამამტკიცეს მისი ხასიათი ყველაზე მეტად იმ ვიდეოში დავიჭირე, სადაც ხალხს ნულოვანი ტოლერანტობისკენ მოუწოდებს. ოთხ ფურცელზე მაქვს ამოწერილი, მისი თითების მოძრაობის კომბინაცია. ვერ ვხვდები მხოლოდ ცხვირზე ხელის გასმა რატომ ასოცირდება მასთან, უამრავი დამახასიათებელი მანერა აქვს. სიამოვნებით გავიცნობდი მას.
- არ გინახავთ არასდროს?
- არასდროს შევხვედრივარ სააკაშვილს. თუ სადმე შევხვდი, გამარჯობის გარდა არაფერს ვეტყვი, დავჯდები და დავაკვირდები მის მანერებს.
- ცნობილია, რომ ექს-პრეზიდენტი ქალების სიყვარულით გამოირჩეოდა. ფილმში იქნება ეროტიული კადრები თქვენი მონაწილეობით?
- ბრავო რეჟისორს, არის ფილმში ეროტიული კადრები, სადაც ნათელია, რა მოსწონს ჩემს პერსონაჟს, მაგრამ ქორეოგრაფიული ხაზით არის დადგმული ეს სცენები და გამაღიზიანებელი არ არის.
- არ ფიქრობთ, რომ ეს ფილმი შურისძიების სურვილს გაუღვივებს პატიმრების შვილებს?
- არ ვფიქრობ ასე. მე რომ რეჟიმის მსხვერპლი ვყოფილიყავი, ფილმი დამაფიქრებდა იარაღის აღებაზე? შური თუ იყო საძიებელი, როცა ციხის კადრები გამოვიდა, მაშინ უპასუხებდნენ ბოროტებას ბოროტებით. ფილმში ციხის ეპიზოდებზე რომ ატყდა ერთი ამბავი, ვერ ვხვდები ეს ხალხი რამ გააღიზიანა, ნებისმიერ სერიალში არის ასეთი სცენები. ეს ფილმი საზოგადოებას დააფიქრებს იმაზე, რომ არჩევნების დროს გონივრული არჩევანი გააკეთოს.
- თქვენს შესახებ გკითხავთ, სიმსივე ქართული გვარია?
- ვგიჟდები ესპანეთზე და ცოტა ხნის წინ აღმოვაჩინე, რომ ჩემი გვარი ესპანური წარმოშობისაა. მე-12 საუკუნეში ჩამოვიდნენ ჩემი წინაპრები ესპანეთიდან იმერეთში, სამწუხაროდ, თბილისში მხოლოდ 4 ოჯახი ვცხოვრობთ. მე-12 საუკუნის მერე დიდი დრო გავიდა, მე ქართველი ვარ.
- შეყვარებული ხართ?
- ახლა არ მყავს შეყვარებული. პირადი ცხოვრების დროც არ მაქვს. სიყვარულს კი ყურადღება სჭირდება. დარწმუნებული ვარ, ვიპოვი ადამიანს რომელსაც სითბოს ვაჩუქებ და ანალოგიურს მივიღებ მისგანაც. იმის გამო, რომ ბევრი შვილები მყავდეს და ცოლმა კოტლეტები არ მომაკლოს, არ დავქორწინდები. დაოჯახების დროც მოვა.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
