ბიძინა ივანიშვილი - შეურაცხყოფა, წყევლა, კრულვა, გინება მოდის ჩემს მიმართ - "ვირისგან წიხლი არ უნდა გეწყინოს"
გინებაზე, წყევლასა და შეურაცხყოფაზე, რაც მოდის, ერთი ანდაზით შეიძლება თავი დაიმშვიდო - "ვირისგან წიხლი არ უნდა გეწყინოს", - ამის შესახებ საქართველოს ყოფილმა პრემიერ-მინისტრმა ბიძინა ივანიშვილმა რეგიონულ მედიასთან შეხვედრისას განაცხადა.
"ყველაზე დიდი ქველმოქმედება, რაც გავაკეთე, არის რომ საკუთარ პიროვნებას იმის ფუფუნებას არ ვაძლევ, რომ ჩრდილში წავიდე და ჩემთვის ვიცხოვრო ფუფუნებაში. ის ცოდნა, ენერგია და გამოცდილება, რაც მაქვს, მინდა ჩემს ქვეყანას მოვახმარო, რომ სწორად განვითარდეს. შეურაცხყოფა, წყევლა, კრულვა, გინება მოდის ჩემს მიმართ, მაგრამ ვინ იგინება ძირითადად? - ვინც გინება იცის. შეიძლება ერთი ანდაზით დავიწყნაროთ თავი, რომ "ვირისგან წიხლი არ უნდა გეწყინოს". "ნაციონალებისგან" კრიტიკა გასაგებია. მთელი ქვეყანა ფეხქვეშ ჰყავდათ გადებული, ყველაფერი მათი იყო და დღეს ვინ სად არის? ზოგი ციხეშია, ზოგი გაქცეულია და ა.შ. დანარჩენი ჯგუფი აგრესიულად ცდილობს დაიბრუნოს რაც ჰქონდა და გასაგებია", - განაცხადა ბიძინა ივანიშვილმა.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
