ვაზისუბანში, "სმარტის" შენობაში მდებარე ორი ბანკის ფილიალი დააყაჩაღეს. თვითმხილველები ყვებიან, რომ სავაჭრო ცენტრიდან გამოსული ორი ნიღბიანი დაინახეს, ერთ-ერთი მანქანის გაჩერებას ცდილობდა, რა დროსაც ჰაერში გაისროლეს, შემდეგ კი ტერიტორია დატოვეს.
ნახეთ ვიდეომასალა შემთხვევის ადგილიდან
"სმარტიდან" გამოსულ ერთ-ერთ ნიღბიანს ხელში თეთრი ტომარა ეჭირა.
ადგილზე იმყოფებიან კრიმინალური პოლიციის თანამშრომლები, შემოსაზღვრულია პერიმეტრი. "სმარტში" მუშაობა დროებით შეჩერებულია.
მომხდარზე გამოძიება სსკ-ს 179-ე მუხლით დაიწყო, რაც ყაჩაღობას გულისხმობს.
