"რუსთავის 2"-ის გენერალური დირექტორი ნიკა გვარამია "ფეისბუქის" პირად გვერდზე პაატა ბურჭულაძესთან მის ფარულ სატელეფონო ჩანაწერს ეხმაურება, რომელიც youtube-ზე გავრცელდა.
მოისმინეთ სრულად აუდიოჩანაწერი
"ღია ხაზზე დავრეკე სპეციალურად, არაფერი მქონდა დასამალი და იმიტომ.
სამი დღე არ დაჭირდა სუსს.
აი, ასეთ ქვეყანაში ვცხოვრობთ", - წერს გვარამია.
ვიდეოპორტალ Youtube-ზე აუდიოჩანაწერი ვრცელდება სათაურით: "Ника Гварамия контролирует "независимых" политиков" (ნიკა გვარამია "დამოუკიდებელ" პოლიტიკოსებს აკონტროლებს"), ვიდეოს ფოტოზე კი "რუსთავი 2"-ის გენერალური დირექტორი ნიკა გვარამია და "ბურჭულაძე - სახელმწიფო ხალხისთვის" ლიდერი პაატა ბურჭულაძე არიან ასახულნი.
youtube-ზე ვიდეო 13 სექტემბერს არის გავრცელებული არხის - Creative Georgia News-ის მიერ. აღსანიშნავია, რომ აღნიშნულ არხზე მხოლოდ ეს ერთი ვიდეო იძებნება. გთავაზობთ ამონარიდებს მათი დიალოგიდან, რომელიც საკმაოდ მწვავეა და კამათშიც გადაიზრდება რამდენჯერმე:
